भारताच्या महिला क्रिकेट संघाची स्टार अष्टपैलू खेळाडू दीप्ती शर्मा... दीप्तीने अनेकदा भारतीय संघाला अडचणीतून बाहेर काढण्याचे काम केले. भारताची फिरकीपटू दीप्ती शर्मा हिने आपल्या शानदार कामगिरीच्या जोरावर आयसीसी महिला वनडे गोलंदाजांच्या क्रमवारीत कारकिर्दीतील सर्वोत्तम दुसऱ्या स्थानावर झेप घेतली आहे. भारताने मायदेशात न्यूझीलंडविरुद्ध २-१ असा वन डे मालिकेत विजय मिळवला.
यूएईमध्ये झालेल्या आयसीसी महिला टी-२० विश्वचषकात दीप्तीने शानदार कामगिरी केली होती. तिने न्यूझीलंडविरुद्ध ३.४२च्या इकॉनॉमी रेटने दोन सामन्यांत तीन बळी घेतले होते. इंग्लंडची सोफी एक्सेलेटन वनडे गोलंदाजांच्या क्रमवारीत अव्वल स्थानावर आहे. न्यूझीलंडच्या ली ताहुहू (तीन स्थानांच्या प्रगतीसह १२वे स्थान), एमेलिया केर (एका स्थानाच्या प्रगतीसह १३वे स्थान) आणि सोफी डिव्हाइन (नऊ स्थानांच्या प्रगतीसह ३०वे स्थान) यांनाही क्रमवारीत फायदा झाला आहे.