इंग्लंडचा 'हा' फलंदाज दरवेळी करतोय सर्वोच्च खेळी, जाणून घ्या कशी

इंग्लंडचा सलामीवीर झॅक क्रॉली हा पुढच्या डावात नक्कीच 66 पेक्षा अधिक धावा करेल. आता ही भविष्यवाणी कशी काय?

By ऑनलाइन लोकमत | Published: January 25, 2020 05:25 PM2020-01-25T17:25:51+5:302020-01-25T17:26:59+5:30

Join us

इंग्लंडचा 'हा' फलंदाज दरवेळी करतोय सर्वोच्च खेळी, जाणून घ्या कशी

Join us

- ललित झांबरे

इंग्लंडचा सलामीवीर झॅक क्रॉली हा पुढच्या डावात नक्कीच 66 पेक्षा अधिक धावा करेल. आता ही भविष्यवाणी कशी काय? तर आतापर्यंत त्याने पाच डाव खेळले आहेत आणि प्रत्येक डावात त्याने गेल्या डावापेक्षा अधिक धावांची खेळी केली आहे. म्हणजे कसोटी सामन्यात ज्या ज्या वेळी तो फलंदाजीसाठी मैदानात उतरला त्या प्रत्येक वेळी त्याने आपली नवी सर्वोच्च खेळी नोंदवली आहे.

त्याच्या पहिल्या पाच डावांतील खेळी बघा...1, 4, 25, 44 आणि 66. प्रत्येक वेळी आधीच्या डावापेक्षा अधिकच धावा त्याने केल्या आहेत आणि पहिल्या ओळीने पाच डावात असा चढता क्रम राखणारा तो इंग्लंडचा पाचवा फलंदाज आहे. इंग्लंडसाठी ओळीने पाच डावात सर्वोच्च खेळीचा क्रम राखणारे आधी चार फलंदाज होऊन गेले आहेत . पण ते तब्बल 90 वर्षांपूर्वी. त्यानंतर हा क्रम राखणारा क्रॉली हा पहिलाच. इंग्लंडचे हे फलंदाज आणि त्यांचे डाव बघू या..

डाव	फलंदाज	धावा	कालावधी
5	जी. मॅकग्रेगर	0, 1, 2, 9, 16	1890-92
5	एफ.एल.फेन	1, 3, 8, 65, 143	1906
5	एच. लारवूड	0, 5, 17, 32, 70	1926-28
5	इयान पीबल्स	2, 3, 6, 18, 26	1927-28
5	झॕक क्रॉली	1, 4, 25, 44, 66	2019-20