Gujarat Titans vs Mumbai Indians Live । अहमदाबाद : सध्या आयपीएलमध्ये मुंबई इंडियन्स आणि गुजरात टायटन्स यांच्यात सामना खेळवला जात आहे. अर्जुन तेंडुलकरने रिद्धिमान साहाला तंबूत पाठवून संघाला पहिला बळी मिळवून दिला. पण हार्दिक पांड्या आणि शुबमन गिल यांनी पॉवरप्लेत साजेशी खेळी केली. हार्दिक पांड्या १३ धावांवर खेळत असताना पियुष चावलाने हार्दिक पांड्याला आपल्या जाळ्यात फसवले. सोपा चेंडू असल्याचे पाहून हार्दिकने मोठा फटका मारला पण सूर्या त्याच्या वाटेत आडवा आला.
हार्दिक पाठोपाठ खतरनाक वाटणाऱ्या शुबमन गिलला बाद करून मुंबईने सामन्यात पुनरागमन केले. १२व्या षटकातील पहिल्याच चेंडूवर कुमार कार्तिकेयने शुबमन गिलला बाद केले. बाद झाल्यावर गिलला देखील राग अनावर झाला अन् त्याचे हावभाव सर्वकाही सांगून गेले. गिल ३४ चेंडूत ५६ धावा करून बाद झाला. गिलने ७ चौकार आणि १ षटकार ठोकून मुंबईच्या गोलंदाजांचा चांगलाच समाचार घेतला पण त्याला बाद करण्यात कार्तिकेयला यश आले. याशिवाय विजयशंकरला बाद करून पियुष चावलाने गुजरातला आणखी एक मोठा धक्का दिला. विजयशंकर १६ चेंडूत १९ धावा करून तंबूत परतला.
सूर्यकुमार यादवने हार्दिक पाठोपाठ गिलचा देखील अप्रतिम झेल घेऊन गुजरातला तिसरा धक्का दिला. खरं तर अहमदाबाद येथील नरेंद्र मोदी क्रिकेट स्टेडियमवर मुंबई आणि गुजरात यांच्यात सामना खेळवला जात आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"