Mitchell Starc Mankading, AUS vs SA Video: क्रिकेट विश्वात पुन्हा एकदा मंकडिंगचे किस्से घडताना दिसत आहेत. यावेळी ऑस्ट्रेलिया आणि दक्षिण आफ्रिका यांच्यात खेळल्या गेलेल्या मेलबर्न कसोटीत हा प्रकार पाहायला मिळाला. या सामन्यात ऑस्ट्रेलियन वेगवान गोलंदाज मिचेल स्टार्क आणि आफ्रिकन संघाचा फलंदाज थ्युनिस डी ब्रुयन यांच्यात एक विचित्र किस्सा घडला. पण मकंडिंगच्या बाबतीत स्टार्कने इशारा दिल्यानंतर तो निघून गेला. सामन्यातील ही घटना कसोटी सामन्याच्या चौथ्या दिवशी आणि दक्षिण आफ्रिकेच्या दुसऱ्या डावादरम्यान घडली. स्टार्कने या डावातील १७वे षटक टाकले. ओव्हरच्या शेवटच्या चेंडूवर स्टार्कने रनअप घेतला होता आणि तो बॉल टाकणार होता, पण तो थांबला, त्याने हुलकावणी दिली आणि त्याला मंकडिंगची हुल देऊन तो निघून गेला.
स्टार्कने पाहिले की चेंडू टाकण्यापूर्वीच, नॉन-स्ट्राइकवर उभा असलेला फलंदाज ब्रुइन आधीच क्रीझच्या पुढे गेला होता. स्टार्कला इथे हवे असते तर तो मंकडिंग आऊट (रनआउट) करू शकला असता, पण ब्रुइनला इशारा दिल्यानंतरच तो निघून गेला. स्टार्क म्हणाला, 'तू क्रीजमध्ये राहा. ती फार कठीण गोष्ट नाहीये.' स्टार्कचा हा व्हिडिओ सोशल मीडियावर चांगलाच व्हायरल होत आहे. यानंतर स्टार्कने हा चेंडू पुन्हा टाकला आणि विकेटही मिळवली. त्याच्या षटकाच्या या शेवटच्या चेंडूवर त्याने स्ट्राइकवरील फलंदाज सरेल इरवेला पायचीत बाद केले.
मंकडिंगच्या नियमात बदल
मेलबर्न क्रिकेट क्लबने (MCC) या वर्षी क्रिकेटच्या काही नियमांमध्ये सुधारणा केल्या होत्या. त्यापैकी एक मंकडिंग नियम देखील होता. हा नियम ४१ अन्वये (अयोग्य खेळ) होता तो त्यावरून ३८ अन्वये (रनआऊट) हलवण्यात आला. यानुसार, जर गोलंदाजाने चेंडू टाकण्यापूर्वी नॉन-स्ट्रायकर त्याच्या क्रीजमधून बाहेर आला आणि गोलंदाजाने स्टंपवर चेंडू लावला तर नॉन-स्ट्रायकरला रनआऊट (मॅनकेडिंग) घोषित केले जाईल. अशा रनआऊटमध्ये अपील नसेल तर पंच त्याला डेडबॉल म्हणू शकतात. हा चेंडू देखील षटकात मोजला जाणार नाही.
ऑस्ट्रेलियाने एक डाव आणि १८२ धावांनी जिंकला सामना
या सामन्यात ऑस्ट्रेलियन संघाने शानदार विजय मिळवला. सामना चार दिवसांत संपला. यामध्ये कांगारू संघाने दक्षिण आफ्रिकेचा एक डाव आणि १८२ धावांनी पराभव केला. यासह ऑस्ट्रेलियन संघाने तीन सामन्यांच्या कसोटी मालिकेत २-० अशी अजिंक्य आघाडी घेतली. या सामन्यात द्विशतक झळकावणाऱ्या डेव्हिड वॉर्नरला सामनावीर म्हणून गौरवण्यात आले.
Web Title: Halfway down Punt Rd Mitchell Starc fumes at rival as Mankad debate explodes again in AUS vs SA Test
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
