लंडन, आयसीसी वर्ल्ड कप 2019 : भारतीय संघाचा अनुभवी फिरकीपटू हरभजन सिंगने त्याचा ड्रीम वर्ल्ड इलेव्हन संघ सोमवारी जाहीर केला. त्याने मनात कोणतीच शंका न ठेवता या संघाचे नेतृत्व महेंद्रसिंग धोनीच्या खांद्यावर सोपवले. वन डे आणि ट्वेंटी-20 वर्ल्डकपसह आयसीसीच्या प्रमुख स्पर्धांत जेतेपद पटकावणारा धोनी हा जगातील एकमेव कर्णधार आहे.
यष्टिरक्षक-फलंदाज धोनीच्या नेतृत्वाखाली भारताने 2011मध्ये वन डे वर्ल्ड कप जिंकला होता. शिवाय 2013मध्ये चॅम्पियन्स ट्रॉफी जिंकली होती. 2007 चा ट्वेंटी-20 वर्ल्ड कप आणि 2011 चा वन डे वर्ल्ड कप विजेत्या संघात हरभजन सदस्य होता. भज्जी इंडियन प्रीमिअर लीगमध्ये चेन्नई सुपर किंग्स संघात धोनीच्या नेतृत्वाखाली खेळतो.