भारतीय संघाला दुसऱ्या वन डे सामन्यात ऑस्ट्रेलियाने २३४ चेंडू व १० विकेट्स राखून पराभूत केले. भारताचा वन डे क्रिकेटमधील हा सर्वात लाजीरवाणा पराभव ठरला. आता भारत-ऑस्ट्रेलिया ( IND vs AUS) यांच्यातला निर्णायक सामना उद्या खेळवला जाणार आहे. पण, आज भारतासारखाच लाजीरवाणा पराभव वेस्ट इंडिजला पत्करावा लागला. दक्षिण आफ्रिकेच्या हेनरिच क्लासेन ( Heinrich Klassen) याने वन डे क्रिकेटमधील त्याचे सर्वात जलद शतक झळकावले आणि मालिका १-१ अशी बरोबरीत सोडवली.
भारतात होणाऱ्या वन डे वर्ल्ड कप स्पर्धेच्या मुख्य फेरीत थेट प्रवेश मिळवण्याच्या प्रयत्नात असलेल्या आफ्रिकेने आज दमदार खेळ करून दाखवला. वेस्ट इंडिजने ठेवलेल्या २६१ धावांच्या लक्ष्याचा पाठलाग करताना आफ्रिकेचे ४ फलंदाज ११ षटकांच्या आत ८७ धावांवर तंबूत परतले होते. त्यावेळी क्लासेन मैदानावर आला अन् त्याने पुढील २० षटकांत निकाल लावून टाकला. क्लासेनने ५४ चेंडूंत शतक पूर्ण केले आणि दक्षिण आफ्रिकेकडून वन डेतील हे चौथे वेगवान शतक ठरले.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"