India vs South Africa, 2nd T20I Live Updates : रोहित शर्मा, लोकेश राहुल, सूर्यकुमार यादव आणि विराट कोहली यांच्या दमदार फटकेबाजीच्या जोरावर भारताने २३८ धावांचे लक्ष्य उभे केले. रोहित व लोकेशने ९६ आणि सुर्या व विराट यांनी १०२ धावांची भागीदारी करताना आफ्रिकन गोलंदाजांना चोपून काढले. भारतीय गोलंदाजांनीही चांगला मारा करताना दक्षिण आफ्रिकेला दुसऱ्या ट्वेंटी-२०त हार मानण्यास भाग पाडले. रोहित शर्माच्या नेतृत्वाखाली भारताने प्रथमच घरच्या मैदानावर दक्षिण आफ्रिकेविरुद्ध ट्वेंटी-२० मालिका जिंकण्याचा पराक्रम केला. डेव्हिड मिलर व क्विंटन डी कॉक यांनी आफ्रिकेच्या विजयासाठी अखेरपर्यंत प्रयत्न केले.
विराटने ट्वेंटी-२०त ११००० धावा करण्याचा इतिहास रचला, पण ४९ धावांवर असताना बघा कसा वागला
लोकेश राहुल ( ५७ ) व रोहित शर्मा ( ४३) या जोडीने ९६ धावांची भागीदारी करून भारताला चांगली सुरुवात करून दिली. रोहितने मारलेले उत्तुंग फटके आणि लोकेशची तंत्रशुद्ध फलंदाजी चाहत्यांना खिळवणारी ठरली. फॉर्मात असलेल्या सूर्यकुमार यादवने आफ्रिकेच्या गोलंदाजांना कुटून काढले. त्याने कागिसो रबाडाच्या एका षटकात २२ धावा चोपल्या आणि ट्वेंटी-२०त १००० धावा पूर्ण केल्या. सूर्याने ५७३ चेंडूंत आंतरराष्ट्रीय ट्वेंटी-२०त १००० + धावा करताना ग्लेन मॅक्सवेलचा ( ६०४) व कॉलिन मुन्रोचा ( ६३५) विक्रम मोडला. सूर्या व विराट यानी ४२ चेंडूंत १०२ धावांची भागीदारी केली. १९व्या षटकात सूर्या रन आऊट झाला. त्याने २२ चेंडूंत ५ चौकार व ५ षटकारांसह ६१ धावांची वादळी खेळी केली. दिनेश कार्तिकने अखेरच्या षटकात तुफान फटकेबाजी केली, परंतु विराटला २८ चेंडूंत ७ चौकार व १ षटकारांसह ४९ धावांवर नाबाद राहावे लागले. कार्तिकने ७ चेंडूंत १७ धावा करताना भारताला ३ बाद २३७ धावांचा पल्ला गाठून दिला.
अक्षर पटेलने पहिल्याच चेंडूवर १ धाव देत त्याचं काम केलं. मिलरने सलग दोन षटकार खेचून शतक पूर्ण केले. त्याने ४६ चेंडूंत ८ चौकार व ७ षटकारांसह शतक पूर्ण केले. पण, हे शतक व्यर्थ ठरले अन् भारताने सामना जिंकून मालिकेत २-० अशी विजयी आघाडी घेतली. भारताने १६ धावांनी हा सामना जिंकला. मिलर १०६ धावांवर , तर क्विंटन ४८ चेंडूंत ३ चौकार व ४ षटकारांसह ६९ धावांवर नाबाद राहिला. आफ्रिकेने ३ बाद २२१ धावा केल्या.