- रोहित नाईकमुंबई - किंग्स इलेव्हन पंजाबविरुद्ध आयपीएल पदार्पण करतानाचा अनुभव फार वेगळा नव्हता. गेल्या चार वर्षांपासून मी मुंबई इंडियन्ससोबत असल्याने हे वातावरण माझ्यासाठी नवे नव्हते. पण जेव्हा मी सामना खेळणार असल्याचे कळले आणि मला आनंद झाला. कारण गेल्या बऱ्याच वर्षांपासून मी या संधीच्या प्रतीक्षेत होतो. ब-याच वर्षांनंतर मुंबई इंडियन्सकडून खेळण्याचे माझे स्वप्न साकार होणार होते. या सामन्यासाठी मी जितका उत्साहित होतो, तितकाच नर्व्हसही होतो, असे मुंबई इंडियन्सचा स्टार फलंदाज आणि मुंबई रणजी संघाचा कर्णधार सिद्धेश लाड याने लोकमतशी बोलताना सांगितले.मुंबई व आसपासच्या विभागातील युवा खेळाडूंसाठी हक्काची स्पर्धा असलेल्या कल्पेश कोळी स्मृती क्रिकेट स्पर्धेच्या २९व्या सत्राचे शनिवारी माटुंगा येथील दडकर मैदानात सिद्धेश लाडच्या हस्ते उद्घाटन झाले. या वेळी त्याने लोकमतशी संवाद साधला. २०१५ सालापासून मुंबई इंडियन्सचा सदस्य असलेल्या सिद्धेशला यंदाच्या सत्रात किंग्स इलेव्हन पंजाबविरुद्ध पदार्पण करण्याची संधी मिळाली. कर्णधार रोहित शर्मा दुखापतग्रस्त झाल्याने त्याच्या जागी सिद्धेशची संघात निवड झाली होती. मात्र या सामन्याआधी पुरेसा सराव करता न आल्याची माहिती त्याने दिली.सिद्धेश म्हणाला, गेल्या चार वर्षांपासून मुंबई इंडियन्स संघासोबत जुळलेलो असल्याने हे वातावरण माझ्यासाठी नवे नव्हते. सराव सत्रादरम्यान रोहित दुखापतग्रस्त झाल्याने त्याच्या जागी मला संधी मिळाल्याची माहिती रात्री कळाली. जेव्हा माहिती मिळाली तेव्हा मी सरावातून ब्रेक घेतलेला. त्यामुळे मी जितका उत्साहित होतो, तितकाच नर्व्हसही होतो. तरी पंजाबविरुद्ध पदार्पण करताना थोडे वेगळे वाटलेच. त्या दिवशी मिळालेल्या संधीने मी आनंदी होतो. रोहितच्या हस्ते संघाची कॅप घेतानाचा अनुभव वेगळाच होता. गेल्या अनेक वर्षांपासून मी या क्षणासाठी थांबलेलो.रणजी स्पर्धेत गेल्या दोन वर्षांत मुंबईला अपेक्षित कामगिरी करण्यात यश आले नाही. यावर मुंबई संघाचा कर्णधार सिद्धेश म्हणाला की, मागचे मोसम मुंबईसाठी चांगले गेले नाही. पण आता प्रशिक्षक, सपोर्ट स्टाफ, सर्व खेळाडू अशी सर्व टीम एकत्र बसून आम्ही पुढच्या लक्ष्यावर चर्चा करू. यंदा नक्कीच निकाल सकारात्मक लागेल. फक्त यंदाच्या वर्षासाठी नाही, तर पुढील पाच वर्षांच्या वाटचालीवर आतापासून विचार व्हायला पाहिजे असे वाटते.रणजी स्पर्धेत नेहमी संघाला प्रतिकूल परिस्थितीतून बाहेर काढणाºया सिद्धेशला मुंबईचा संकटमोचक म्हटले जाते. याविषयी त्याने म्हटले की, संघाचा तारणहार, संकटमोचक अशा नावाने म्हटले जाते त्याचे काहीसे दडपण असतेच. खेळताना एक फलंदाज म्हणून थोडा दबाव असतोच, ते मी नाकारणार नाही. यातूनच माझा खेळ बहरला आहे. मला कोणत्या नावाने ओळखले जाते याचा मी विचार करत नाही. जी माझी बलस्थाने आहेत, त्यावरच लक्ष केंद्रित करत मी माझा खेळ करतो. मी नेहमी संघाच्या विजयासाठी खेळतो आणि वैयक्तिक खेळासाठी मी कधीही खेळलेलो नाही. यामुळेच जेव्हा संघाला गरज असते तेव्हा मी माझे योगदान देतो.
त्याने कधीही हार मानली नाही