ICC ODI World Cup India vs Afghanistan Live : भारतीय संघाला आज वन डे वर्ल्ड कप स्पर्धेतील दुसऱ्या सामन्यात अफगाणिस्तानचा सामना करायचा आहे. अफगाणिस्तानने नाणेफेक जिंकून प्रथम फलंदाजीचा निर्णय घेतला. भारतीय संघाने आर अश्विनला आज विश्रांती देताना शार्दूल ठाकूरला प्लेइंग इलेव्हनमध्ये खेळवण्याचा निर्णय घेतला आहे. अश्विनला पुन्हा संघाबाहेर केल्याने माजी सलामीवीर सुनील गावस्कर ( Sunil Gavaskar) यांनी संताप व्यक्त केला.
पिच रिपोर्ट सुरू असताना गौतम गंभीरने आजच्या प्लेइंग इलेव्हनमध्ये अश्विनच्या जागी मोहम्मद शमीला संधी मिळायला हवी असे म्हटले होते. नाणेफेक झाल्यानंतर रोहितने अश्विनच्या जागी शार्दूल ठाकूरची निवड केली आणि सर्वांना आश्चर्याचा धक्का बसला. रोहित म्हणाला, आम्हालाही प्रथम गोलंदाजीच करायची होती. ही खेळपट्टी फार बदललेली नाही आणि त्यामुळे इते गोलंदाजांची चांगली कामगिरी होईल. त्यामुळे त्यांचा आत्मविश्वासही वाढेल. विराट कोहली व लोकेश राहुल यांनी अविश्वसनीय फलंदाजी केली आहे. आजच्या सामन्यात अश्विनच्या जागी शार्दूल ठाकूरला संधी दिली आहे.
या निर्णयानंतर गावस्करांनी जोरदार टीका केली. ते म्हणाले, पुन्हा एकदा अश्विनला प्लेइंग इलेव्हनमधून बाहेर बसवले गेले, मला कळत नाही की त्याने कोणती चूक केली आहे. संघाबाहेर होणे हे अश्विनला आता सवईचे झालेय. २०१९मध्ये मोहम्मद शमीने अफगाणिस्तानविरुद्ध हॅटट्रिक घेतली होती आणि त्याला संधी मिळायला हवी होती.
२०१९च्या वर्ल्ड कप स्पर्धेत अफगाणिस्तानला विजयासाठी ४ चेंडूंत १२ धावांची गरज असताना मोहम्मद शमीने हॅटट्रिक घेऊन भारताला ११ धावांनी विजय मिळवून दिला होता.
Web Title: ICC ODI World Cup IND vs AFG Live : Sunil Gavaskar: "Once again Ashwin misses out, I don't know what he has done wrong.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
