ICC ODI World Cup IND vs NZ Semi Final Live : २ नोव्हेंबरला श्रीलंकेविरुद्धच्या सामन्यात वानखेडे स्टेडियमवर विराट कोहलीची ( Virat Kohli) वन डे क्रिकेटमध्ये सर्वाधिक ४९ शतकांच्या सचिन तेंडुलकरच्या विक्रमाशी बरोबरी करण्याची संधी हुकली होती. त्याने ईडन गार्डनवर ही बरोबरी केली, परंतु आज याच ऐतिहासिक वानखेडेवर विराटने आज सचिनचा विक्रम मोडला. त्याने वन डे क्रिकेटमधील पन्नासावे शतक झळकावले. विक्रमी शतक झळकावताच त्याने सचिनला मानाचा मुजरा केला.
श्रेयसने घरचे मैदान गाजवताना अप्रतिम षटकार खेचले आणि किवी गोलंदाज चेंडू सहजरित्या प्रेक्षकांमध्ये जात असल्याचे पाहत बसले. श्रेयसनेही अर्धशतक पूर्ण करताना विराटसह तिसऱ्या विकेटसाठी शतकी भागीदारी पूर्ण केली. वर्ल्ड कप उपांत्य फेरीत भारताच्या ३ किंवा त्याहून अधिक फलंदाजानी फिफ्टी प्लस धावा केल्याची ही पहिलीच वेळ ठरली. श्रेयसचे ही वर्ल्ड कप स्पर्धेतील सलग चौथे अर्धशतक ठरले. ४०व्या षटकात एक धाव घेताना विराट पडला अन् अनुष्काच्या काळजाचा ठोका चुकला. विराटने १०६ चेंडूंत ९ चौकार व १ षटकारासह ऐतिहासिक पन्नासावे शतक पूर्ण केले. शतक पूर्ण करताच त्याने हवेत उडी मारली.. गुडघ्यावर बसून ग्लोव्ह्ज व हेल्मेट काढले... अनुष्काला फ्लाईंग किस दिला अन् नंतर सचिन तेंडुलकरला मानाचा मुजरा केला.