ICC ODI World Cup PAK vs NED : वन डे वर्ल्ड कप २०२३ मध्ये नेदरलँड्सविरुद्ध पाकिस्तानच्या मोहिमेची सुरुवात फारशी चांगली झाली नाही. नेदरलँड्सने पाकिस्तान संघाला प्रथम फलंदाजीसाठी आमंत्रित केले आणि पाकिस्तानी फलंदाज काही खास करू शकले नाहीत. त्यात त्यांच्यासोबत कॉमेडीही झाली. मोहम्मद नवाज शानदार फलंदाजी करत होता, पण एक धाव घेण्यासाठी त्याला ३ वेळा पळावे लागले आणि एवढं करूनही तो धावबाद झाला.
पाकिस्तानच्या डावाच्या ४७व्या षटकात शाहीन आफ्रिदीने स्वीप शॉट मारून बसण्याचा प्रयत्न केला. यानंतर चेंडू शाहीनच्या खांद्यावर आदळला आणि फाइन लेगच्या दिशेने गेला. पण तोपर्यंत नवाझने स्ट्राईक घेण्यासाठी खेळपट्टीवरील अर्धे अंतर कापले होते. तिथून परत आल्यावर थ्रो चुकला आणि गोलंदाजालाही तो पकडता आला नाही. यामुळे चेंडू नॉन स्ट्राइक एंडपासून दूर गेला आणि शाहीन समोरून पळून आला. हे पाहून नवाज क्रीझपासून खूप मागे जाऊनही तिसऱ्यांदा धावा काढण्यासाठी पुन्हा धावला. पण यावेळी तो फलंदाजीच्या टोकापर्यंत पोहोचू शकला नाही आणि एका शानदार थ्रोमुळे तो धावबाद झाला. ४३ चेंडूंत चार चौकारांसह ३९ धावा करून नवाज बाद झाला.
हैदराबादच्या मैदानावर पाकिस्तान संघाची फलंदाजी चांगली झाली नाही. कमकुवत नेदरलँड्सविरुद्ध पाकिस्तानचा संघ केवळ ४९ षटकेच खेळू शकला आणि २८६ धावांवर सर्वबाद झाला. त्यासाठी केवळ मोहम्मद रिझवान आणि सौद शकील यांना सर्वाधिक ६८-६८ धावा करता आल्या. शादाब खाननेही ३२ धावा केल्या.
Web Title: ICC ODI World Cup PAK vs NED : Mohammad Nawaz is short of his ground and run out via a direct hit, Comedy of errors sees Nawaz run out via superb direct hit, Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
