ICC ODI World Cup SA vs SL : दक्षिण आफ्रिकेच्या ४२९ धावांच्या लक्ष्याचा पाठलाग करताना श्रीलंकेच्या कुसल मेंडिसने वादळी फटकेबाजी केलेली पाहायला मिळतेय...
फलंदाजांसाठी पोषक खेळपट्टीवर श्रीलंकेकडून दमदार सुरुवातीची अपेक्षा होती, परंतु पथूम निसंका ( ०) मार्को यानसेनच्या गोलंदाजीवर पायचीत झाला. कुसल मेंडिसने ५व्या षटकात ३ खणखणीत षटकार खेचून श्रीलंकेच्या चाहत्यांना खूश केले. त्याने २५ चेंडूंत अर्धशतक झळकावताना ३ चौकार व ६ षटकार खेचले. कागिसो रबाडाला गोलंदाजीला आणले आणि कुसल परेरा मारलेला चेंडू जागच्या जागी उडाला. पण, टेम्बा बवुमा आणि डेव्हिड मीरल यांच्यात संयम न दिसल्याने झेल दोघांच्या मधे पडला. वर्ल्ड कप स्पर्धेतील श्रीलंकन फलंदाजाचे हे तिसरे वेगवान अर्धशतक ठरले. अँजेलो मॅथ्यूजने २० चेंडूंत स्कॉटलंडविरुद्ध ( २०१५) आणि दिनेश चंडिमलने २२ चेंडूंत ऑस्ट्रेलियाविरुद्ध ( २०१५) वेगवान अर्धशतक ठोकले होते.