ICC T20 World Cup 2024 IND vs USA Live Scorecard - अमेरिकेच्या फलंदाजांनी ते पाकिस्तानपेक्षा सरस का आहेत हे आज दाखवून दिले. ट्वेंटी-२० वर्ल्ड कप स्पर्धेतील विजयी मालिका कायम राखण्याच्या निर्धाराने मैदानावर उतरलेल्या अमेरिकेची सुरुवात काही खास झाली नाही. अर्शदीप सिंगने पहिल्याच षटकात दोन धक्के देत विक्रम नोंदवला. पण, स्टीव्हन टेलर व नितीश कुमार यांची चांगली फटकेबाजी करून आव्हानात्मक लक्ष्य उभे केले. ICC T20 World Cup Match, ICC World Cup Live Match
अर्शदीप सिंगची पहिल्याच षटकात ऐतिहासिक भरारी! अमेरिकेचे २ फलंदाज पाठवले माघारी
रोहित शर्माने टॉस जिंकून प्रथम गोलंदाजीचा निर्णय घेतला आणि प्लेइंग इलेव्हनमध्ये कोणताच बदल केलेला नाही. अमेरिका संघाचा कर्णधार मोनांक पटेल या सामन्याला खांद्याच्या दुखापतीमुळे मुकला आहे. अर्शदीप सिंगनेभारताला दमदार सुरुवात करून देताना पहिल्या चेंडूवर शयान जहांगिरला पायचीत केले आणि शेवटच्या चेंडूवर एंड्रियस गौसला ( २) हार्दिक पांड्याकरवी झेलबाद करून माघारी पाठवले. ट्वेंटी-२० वर्ल्ड कप स्पर्धेत डावाच्या पहिल्याच चेंडूवर विकेट घेणारा अर्शदीप हा भारताचा दुसरा गोलंदाज ठरला. अमेरिकेला पॉवर प्लेमध्ये २ बाद १८ धावा करता आल्या, ज्या ट्वेंटी-२० क्रिकेटमधील भारताविरुद्धच्या संयुक्तरित्या ( ३ बाद १८ धावा, श्रीलंका, २०२२) निचांक धावा आहेत. Ind vs USA live Scorecard, ICC live tourament 2024, IND vs USA live T20 match