ICC Women’s T20I Player Rankings for batters : भारतीय महिला संघाने राष्ट्रकुल क्रीडा स्पर्धेत रौप्यपदकाची कमाई करून इतिहास रचला. १९९८नंतर राष्ट्रकुल क्रीडा स्पर्धेत क्रिकेटचा समावेश केला गेला आणि त्यात भारतीय महिलांनी रौप्यपदक जिंकले. भारताच्या पुरुष संघाला १९९८मध्ये पदक जिंकता आले नव्हते. २०२२च्या राष्ट्रकुल स्पर्धेच्या सुवर्णपदकाच्या सामन्यात ऑस्ट्रेलियाने सुवर्णपदक जिंकले. भारतीय महिलांनी ३५ धावांत ८ विकेट्स गमावल्याने हातचे सुवर्णपदक निसटले. या कामगिरीनंतर आयसीसी ट्वेंटी-२० क्रमवारीतही भारतीय फलंदाजांना तोटा सहन करावा लागला, तर ऑसी खेळाडूंचे वर्चस्व पाहायला मिळाले.
भारताच्या जेमिमा रॉड्रीग्जने मोठी झेप घेतली. तिने सात स्थानांच्या सुधारणेसह १०वे क्रमांक पटकावले. राष्ट्रकुल स्पर्धेत तिने भारताकडून सर्वाधिक १४६ धावा केल्या. स्मृती मानधनाची दोन स्थानांनी घसरण झाली आणि ती चौथ्या क्रमांकावर आली. तर शेफाली वर्माही १ स्थान खाली सरकून सहाव्या क्रमांकावर गेली आहे. दक्षिण आफ्रिकेची एनेके बॉश ( २०) व ताझमिन ब्रिस्ट ( २२) यांनीही त्यांची क्रमवारी अनुक्रमे ५ व ६ क्रमांकानी सुधारली.
इंग्लंडची गोलंदाज सोफी एस्क्लेस्टोन अव्वल क्रमांकावर कायम आहे. भारताची दीप्ती शर्मा ६व्या क्रमांकावर आहे. या क्रमवारीत इंग्लंडच्या खेळाडूंनी अव्वल तीन स्थान पटकावले आहे. सोफीनंतर कॅथरीन ब्रंट व साराह ग्लेन यांचा क्रमांक येतो.