लंडन, आयसीसी वर्ल्ड कप 2019 : इंग्लंड आणि अफगाणिस्तान सामन्यात चौकार-षटकारांची आतषबाजी पाहायला मिळाली. इंग्लंडचा कर्णधार इयॉन मॉर्गननं 71 चेंडूंत 148 धावांची खेळी केली. त्यात चार चौकार व 17 षटकार खेचून विक्रम नावावर केला. इंग्लंडच्या 397 धावांच्या प्रत्युत्तरात अफगाणिस्तानला 8 बाद 247 धावा करता आल्या. या विजयानंतर इंग्लंडने गुणतालिकेत 8 गुणांसह अव्वल स्थान पटकावले आहे. अव्वल चार क्रमवारी बदलता संघ तेच आहेत.. ऑस्ट्रेलिया ( 8), न्यूझीलंड ( 7) आणि भारत (7) हे अव्वल चौघांत आहे. पण, या चार संघांतील एकही फलंदाज किंवा गोलंदाज अव्वल स्थानी नाही.
![]()
फलंदाजांत बांगलादेशचा अष्टपैलू खेळाडू शकिब अल हसन चार सामन्यांत 384 धावांसह टॉपवर आहे. फलंदाजांमध्ये भारताचा रोहित शर्मा ( 319 धावा) चौथ्या स्थानी आहे. त्याच्याव्यतिरिक्त भारताचा एकही फलंदाज टॉप टेनमध्ये नाही. कर्णधार विराट कोहली ( 177) चौदाव्या स्थानावर आहे.
![]()
पाकिस्तान संघाची वर्ल्ड कपमधील कामगिरी साजेशी झाली नसली तरी त्यांचा गोलंदाज मोहम्मद आमीरनं आपलं नाणं खणखणीत वाजवलं आहे. त्यानं 4 सामन्यांत 13 विकेट्स घेत अव्वल स्थान पटकावलं आहे. ऑस्ट्रेलियाचा मिचेल स्टार्कच्या नावावरही 13 विकेट्स आहेत, परंतु त्यानं 5 सामने खेळले आहेत. भारताचा एकही गोलंदाज टॉप टेन मध्ये नाही. युजवेंद्र चहल 15व्या क्रमांकावर आहे.
![]()
Web Title: ICC World Cup 2019 : Rohit Sharma only Indian in top 10 batsman list till England vs Afghanistan match, who is on top know all
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
