csk vs rr । नवी दिल्ली : सध्या आयपीएलच्या सोळाव्या हंगामाचा थरार रंगला आहे. आयपीएलच्या यंदाच्या हंगामातील निम्मा टप्पा पार पडला आहे. जवळपास सर्वच संघांनी सात ते आठ सामने खेळले असून गुणतालिकेत रस्सीखेच पाहायला मिळत आहे. आताच्या घडीला चेन्नई सुपर किंग्जचा (CSK) संघ १० गुणांसह अव्वल स्थानावर आहे. आज राजस्थान रॉयल्स आणि चेन्नई सुपर किंग्ज यांच्यात सामना होत आहे. सामन्याच्या पूर्वसंध्येला राजस्थानच्या फ्रँचायझीने एक व्हिडीओ शेअर केला आहे, ज्यामध्ये कर्णधार संजू सॅमसन प्रेक्षकांसोबत सेल्फी काढत असल्याचे दिसत आहे.
दरम्यान, संजू सॅमसनसोबत सेल्फी काढण्यासाठी एका चाहत्याने कर्णधाराला फोन दिला. संजू सेल्फी काढत असताना अचानक चाहत्याच्या फोनवर फोन आला अन् त्याने उचलला. समोरून आवाज येताच "हा भाई काय चाललंय", असे संजूने उत्तर दिले अन् चाहत्यांनी एकच जल्लोष केला. सॅमसनचा हा व्हिडीओ सोशल मीडियावर खूप व्हायरल होत असून नेटकरी त्याचे कौतुक करत आहे.
राजस्थान रॉयल्सची विजयी घौडदौडआयपीएल २०२३ मध्ये राजस्थान रॉयल्सने चांगली सुरूवात केली असून पहिल्या टप्प्यात चार विजय मिळवले आहेत. आताच्या घडीला संजू सॅमसनचा संघ ८ गुणांसह गुणतालिकेत तिसऱ्या स्थानावर आहे. जोस बटलर, शिमरॉन हेटमायर, युझवेंद्र चहल आणि खुद्द संजू सॅमसन हे चमकदार कामगिरी करत आहेत. राजस्थानने आतापर्यंत ७ सामन्यांपैकी ४ सामने जिंकले असून ३ सामन्यांत संघाला पराभव पत्करावा लागला आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"