IND VS AFG Live updates in marathi | नवी दिल्ली : वन डे विश्वचषकात आज यजमान भारत आणि अफगाणिस्तान यांच्यात सामना होत आहे. सलामीचा सामना जिंकून भारतीय संघाने आपल्या अभियानाची सुरूवात केली. दिल्लीतील अरूण जेटली स्टेडियमवर आजचा सामना होत आहे. बलाढ्य ऑस्ट्रेलियाला नमवून टीम इंडियाने विजयी सलामी दिली आहे. आजच्या सामन्यासाठी अफगाणिस्तानने नाणेफेक जिंकून प्रथम फलंदाजी करण्याचा निर्णय घेतला. रवीचंद्रन अश्विनच्या जागी शार्दुल ठाकूरला आजच्या सामन्यासाठी भारतीय संघात स्थान मिळाले आहे.
आजच्या सामन्यासाठी भारतीय संघ -रोहित शर्मा (कर्णधार), इशान किशन, विराट कोहली, श्रेयस अय्यर, लोकेश राहुल, हार्दिक पांड्या, रवींद्र जडेजा, शार्दुल ठाकूर, जसप्रीत बुमराह, कुलदीप यादव, मोहम्मद सिराज.3
दरम्यान, अफगाणिस्तानला आपल्या पहिल्या सामन्यात बांगलादेशविरुद्ध सहा गडी राखून पराभव स्वीकारावा लागला होता. प्रथम फलंदाजी करताना अफगाणिस्तानचा संघ १५६ धावांवर आटोपला आणि बांगलादेशने सहा गडी राखून सामना जिंकला. त्यामुळे आजचा सामना अफगाणिस्तानसाठी महत्त्वाचा असणार आहे.
आजच्या सामन्यासाठी अफगाणिस्तानचा संघ -शमतुल्ला शाहिदी (कर्णधार), रहमानउल्ला गुरबाज, इब्राहिम झादरान, रहमत शाह, नजीबुल्ला झादरान, मोहम्मद नबी, अजमतुल्ला उमरझाई, राशिद खान, मुजीब उर रहमान, नवीन-उल-हक, फजलहक फारुकी.