India vs Australia 2nd ODI Live Update : भारत-ऑस्ट्रेलिया यांच्यातला दुसरा वन डे सामना विशाखापट्टणम येथे आज खेळवला जात आहे. ऑस्ट्रेलियाच्या संघात दोन बदल केले आहेत. स्टीव्ह स्मिथने नाणेफेक जिंकून प्रथम गोलंदाजीचा निर्णय घेतला आहे आणि मिचेल स्टार्कने ( Mitchell Starc ) पुन्हा घात केला. शुबमन गिल, रोहित शर्मा व सूर्यकुमार यादव यांना त्याने माघारी पाठवले. सूर्याकुमार सलग दुसऱ्या सामन्यात गोल्डन डकवर बाद झाला.
रोहितचा स्लीपमध्ये स्मिथने भन्नाट झेल घेतला, स्टार्कने पुन्हा सूर्यकुमारला Golden Duck वर बाद केले
![]()
इशान किशन आणि शार्दूल ठाकूर यांना बाहेर बसावे लागले आहे.. रोहित व अक्षर पटेल यांची एन्ट्री झाली आहे. मिचेल स्टार्कने पहिल्या वन डे सामन्यात भारताच्या आघाडीच्या फलंदाजांना झटपट माघारी पाठवले होते आणि आजही तसेच झाले. स्टार्कने पहिल्याच षटकात शुबमन गिलला माघारी जाण्यास भाग पाडले. पॉईंडवर मार्नस लाबुशेनने झेल घेतला. रोहित शर्मा व विराट कोहली यांनी सुरेख फटकेबाजी मारून भारतावरील दडपण कमी केलं... पण, मिचेल स्टार्कने पुन्हा घात केला. त्याच्या भन्नाट चेंडूवर रोहितला ( १३) माघारी जावे लागले आणि स्लीपमध्ये स्टीव्ह स्मिथने तितकाच अप्रतिम झेल घेतला. पुढच्याच चेंडूवर सूर्यकुमार यादव ( ०) LBW झाला.
स्टार्कचा भेदक मारा येथेच थांबला नाही.. मिचेल स्टार्कने मागील सामन्यातील स्टार लोकेश राहुलला ( ९) पायचीत केले. लोकेशने DRS घेतला, परंतु तो वाया गेला. भारताने ४८ धावांत ४ फलंदाज गमावले. त्यानंतर आलेल्या हार्दिक पांड्याला ( १) सीन एबॉटने माघारी पाठवले. स्टीव्ह स्मिथने हवेत झेप घेताना एका हाताने अफलातून झेल टिपला अन् भारताचा निम्मा संघ ४९ धावांत माघारी परतला.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"
Web Title: IND vs AUS 2nd ODI Live Update Marathi : Unreal catch by Steve Smith, Hardik Pandya gone, Mitchell Starc on fire with 4/27, India are FIVE down, Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
