सिडनी, भारत विरुद्ध ऑस्ट्रेलिया : सध्याच्या घडीला भारतीय संघ कसोटी मालिकेत वरचढ आहे. या मालिकेत भारताने 2-1 अशी आघाडी मिळवली आहे. आता तिसरा सामना जिंकून ते मालिका 3-1 अशी खिशात टाकण्यासाठी भारतीय संघ सज्ज झाला आहे. पण दुसरीकडे ऑस्ट्रेलियाचा माजी कर्णधार रिकी पॉन्टिंग हा चांगलाच भडकला आहे. पण तो भारताच्या खेळाडूवर नाही तर ऑस्ट्रेलियाच्याच खेळाडूवर.
चौथ्या कसोटी सामन्याच्या पहिल्या डावात नॅथन लायनला भारताच्या कुलदीप यादवने बाद केले. यावेळी लायन हा रीव्ह्यू घेण्यासाठी मिचेल स्टार्कला विचारत होता. कारण ऑस्ट्रेलियाकडे यावेळी दोन रीव्ह्यू शिल्लक होते आणि लायन-स्टार्क ही जोडी चांगली खेळत होती.
यावर पॉन्टिंग म्हणाला की, " ऑस्ट्रेलियाकडे दोन रीव्ह्यू शिल्लक होते. त्यावेळी जर ऑस्ट्रेलियाने रीव्ह्यू घेतला असता तर त्याचा त्यांना फायदा झाला असता. कारण रीव्ह्यू घेतला असता तर तो नाबाद ठरवला गेला असता. या साऱ्या गोष्टीवरून ऑस्ट्रेलियाच्या संघाची मानसीकता कशी आहे, हे तुम्हाला समजू शकेल. सध्याच्या घडीला ऑस्ट्रेलियाचा संघ निराश झालेला आहे आणि तेच त्यांच्या वागण्यातून दिसत आहे. "
Web Title: IND Vs AUS: Ricky Ponting blasted on Australia's player
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
