IND vs AUS T20 2022 Live Match Scorecard : भारत-ऑस्ट्रेलिया यांच्यातला दुसरा ट्वेंटी-२० सामना अडीच तासांच्या विलंबानंतर अखेर सुरू होणार आहे. त्यामुळे प्रेक्षकांनी जल्लोष साजरा केला आहे. नागपूरात आज दिवसभर पाऊस पडला नसला तरी मागील तीन दिवस येथे पाऊस पडला आणि त्यामुळे खेळपट्टी ओलीच होती. मैदान सुकवण्यासाठी सर्व यंत्रणा कामाला लागली होती. ६.३०, ७, ८ व ८.४६ वाजता अम्पायर्सकडून मैदानाची पाहणी केली गेली. त्यानंतर अम्पायर्सने हिरवा कंदील दिला तर ८-८ षटकांचा सामना होईल, हे जाहीर केले.
भारतीय संघाला ट्वेंटी-२० मालिका वाचवण्यासाठी आजचा सामना जिंकणे अत्यंत महत्त्वाचे आहे. ऑस्ट्रेलियाने पहिल्या ट्वेंटी-२० सामन्यात विजय मिळवून तीन सामन्यांच्या मालिकेत १-० अशी आघाडी घेतली आहे. खेळपट्टी ओली असल्याने खेळाडूंना दुखापत होण्याची शक्यता नाकारता येत नाही आणि ट्वेंटी-२० वर्ल्ड कप स्पर्धेच्या तोंडावर एकाही खेळाडूचे जखमी होणे संघाला महागात पडणारे ठरेल. त्यामुळे अम्पायर पूर्ण सहानिशा करताना दिसले. चौथ्यांदा पाहणी केल्यानंतर अम्पायर्सनी समाधान व्यक्त केले आणइ ९.३० वाजता सामना सुरू होईल असे जाहीर केले. प्रत्येकी ८-८ षटकांचा सामना होणार असून दोन षटकं पॉवर प्लेची असणार आहेत.
Updated match playing conditions
पहिली इनिंग्ज - ९.३० ते १०.०४
विश्रांती - १०.०४ ते १०.१४
दुसरी इनिंग्ज - १०य१४ ते १०.४८
पॉवर प्ले - २ षटकं
एका गोलंदाजाला किमान २ षटकं टाकता येतील
षटकांची गती संथ ठेवल्यास पेनल्टी नाही आणि ड्रिंक्स ब्रेकही नाही
७ नोव्हेंबर २०१७ मध्ये भारत-न्यूझीलंड यांच्यातला ट्वेंटी-२० सामना ८-८ षटकांचा खेळवण्यात आला होता. न्यूझीलंडने टॉस जिंकून प्रथम गोलंदाजी केली. भारताने ८ बाद ६७ धावा केल्या आणि किवींना ८ बाद ६१ धावा करता आल्या. भारताने ६ धावांनी जिंकला होता सामना. भारताने आज नाणेफेक जिंकून प्रथम गोलंदाजी करण्याचा निर्णय घेतला. जसप्रीत बुमराह व
रिषभ पंत खेळणार आहेत. उमेश यादव व भुवनेश्वर कुमार खेळणार नाहीत.
Web Title: IND vs AUS T20 2022 Live Match : Updated match playing conditions; India won the toss and decided to bowl first, Jasprit Bumrah and Rishabh Pant replace Umesh Yadav and Bhuvneshwar Kumar.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
