IND vs ENG 1st ODI : भारतीय संघाच्या पहिल्या वन डे सामन्यातील विजयात जसप्रीत बुमराह आणि रोहित शर्मा यांनी महत्त्वाची भूमिका बजावली. जसप्रीतने १९ धावांत ६ विकेट्स घेताना इंग्लंडला हादरवून टाकले. त्यानंतर १११ धावांच्या लक्ष्याचा पाठलाग करताना रोहितने ५८ चेंडूंत ७ चौकार व ५ षटकारांच्या मदतीने नाबाद ७६ धावांची खेळी केली. शिखर धवनने नाबाद ३१ धावा केल्या. ओपनर म्हणून जोडीने ५०००+ धावा करणारी रोहित-धवन ही भारताची दुसरी सलामीची जोडी ठरली. या सामन्यात रोहितने षटकारांचाही विक्रम केला. भारताकडून वन डे क्रिकेटमध्ये २५० षटकार मारणारा तो पहिला फलंदाज बनला. पण, या दोन विक्रमांशिवाय रोहितने आणखी दोन मोठे विक्रम नावावर केले आणि त्यापैकी एकात तर त्याने गुरू राहुल द्रविडचा विक्रम मोडला.
सचिन तेंडुलकर व सौरव गांगुली या दोघांनंतर वन डेत सलामीला ५०६६* धावा करणारी ही दुसरी भारतीय जोडी ठरली. सौरव गांगुली-सचिन तेंडुलकर यांनी ६६०९ धावा, अॅडम गिलख्रिस्ट-मॅथ्यू हेडन यांनी ५३७२ धावा, गॉर्डन ग्रिनीज-डी हायनेस यांनी ५१५० धावा केल्या आहेत. रोहितने वन डेतील ४५ वे अर्धशतक पूर्ण करताना चांगली फटकेबाजी केली. वन डे क्रिकेटमध्ये रोहितने २५० षटकार पूर्ण केले आणि हा टप्पा ओलांडणारा तो पहिला भारतीय फलंदाज ठरला. शाहिद आफ्रिदी ( ३५१), ख्रिस गेल ( ३३१), सनथ जयसूर्या ( २७०) यांच्यानंतर रोहितचा ( २५०) क्रमांक येतो. महेंद्रसिंग धोनी २२९ षटकारांसह पाचव्या क्रमांकावर आहे.
कॅप्टन असावा तर असा! मॅच संपताच ६ वर्षीय मीरा साळवीची रोहित शर्माने घेतली भेट, पण का?
याशिवाय इंग्लंडमध्ये परदेशी फलंदाजांमध्ये सर्वाधिक वन डे धावा करण्याचा विक्रम रोहितने नावावर केला. त्याच्या नावावर १४११ धावा झाल्या आहेत. केन विलियम्सन १३९३ धावांसह या विक्रमात आघाडीवर होता, पण रोहितने त्याला मागे टाकले. १३८७ धावांसह रिकी पाँटिंग तिसऱ्या क्रमांकावर आहे. याशिवाय इंग्लंडमध्ये सर्वाधिक 50+ धावांचा विक्रमही रोहितने नावावर केला. त्याने १४ वेळा 50+ धावांची खेळी करून राहुल द्रविड (१३), विराट कोहली ( १३) व केन विलियम्सन ( १३) यांना मागे टाकले.
Web Title: IND vs ENG 1st ODI : Rohit Sharma scored Most ODI runs by a Visiting batman on ENG Soil and Most fifty-plus score by a visiting batsman on ENG Soil
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
