IND vs ENG 1st T20 I Live Updates : रोहित शर्माने नाणेफेक जिंकली, अर्षदीपचे पदार्पण; संजू, ऋतुराज बाकावर

India vs England 1st T20 I Live Updates :  भारत-इंग्लंड यांच्यातल्या ट्वेंटी-२० मालिकेतील पहिला सामना आज साऊथहॅम्प्टन येथे रात्री १०.३० वाजल्यापासून सुरू होणार आहे. रोहित शर्मा ( Rohit Sharma) चे पुनरागमन होत असल्याने भारतीय चाहते आनंदात आहे. कर्णधारपदाची जबाबदारी पूर्णवेळ हाती घेतल्यानंतर परदेशातील ही रोहितची पहिलीच मालिका आहे. इयॉन मॉर्गनच्या निवृत्तीनंतर इंग्लंडही नवा कर्णधार जोस बटलर याच्या नेतृत्वाखाली प्रथमच खेळणार आहे. त्यामुळे रोहित वि. बटलर हा सामना पाहण्याची सर्वांना उत्सुकता लागली आहे. 

कसोटीत खेळणाऱ्या खेळाडूंना या पहिल्या लढतीसाठी विश्रांती दिली गेली आहे. त्यामुळे विराट कोहली, जसप्रीत बुमराह व रिषभ पंत हे या सामन्याचा भाग नसतील. २०१४नंतर भारतीय संघ इंग्लंडमध्ये ट्वेंटी-२० मालिका हरलेला नाही. २०१७ व २०१८मध्ये भारताने २-१ अशा फरकाने, तर २०२१मध्ये ३-२ अशा फरकाने मालिका जिंकली आहे. २०१४मध्ये भारताला ०-१ अशी हार मानावी लागली, तर २०१२ मध्ये १-१असा बरोबरीचा निकाल लागला होता.

#TeamIndia have won the toss & elected to bat 🏏#ENGvINDpic.twitter.com/U6rgjOWr2i

— Doordarshan Sports (@ddsportschannel) July 7, 2022

भारतीय संघाने पंजाब किंग्सचा गोलंदाज अर्षदीप सिंग याला आज पदार्पणाची संधी दिली आहे. हिटमॅनने स्वतः अर्षदीपला पदार्पणाची कॅप दिली. रोहितने नाणेफेक जिंकून प्रथम फलंदाजी करण्याचा निर्णय घेतला आहे. 

Congratulations to @arshdeepsinghh who is all set to make his T20I debut for #TeamIndia

He receives his cap from Captain @ImRo45#ENGvINDpic.twitter.com/2YOY15GwRj

— BCCI (@BCCI) July 7, 2022

संघ  
भारत- रोहित शर्मा, इशान किशन, सूर्यकुमार यादव, हार्दिक पांड्या, दीपक हुडा, दिनेश कार्तिक, अक्षर पटेल, भुवनेश्वर कुमार, हर्षल पटेल, युजवेंद्र चहल, अर्षदीप सिंग ( India: 1 Rohit Sharma (capt), 2 Ishan Kishan, 3 Suryakumar Yadav, 4 Deepak Hooda, 5 Hardik Pandya, 6 Dinesh Karthik (wk), 7 Axar Patel, 8 Harshal Patel, 9 Bhuvneshwar Kumar, 10 Yuzvendra Chahal, 11 Arshdeep Singh) 

इंग्लंड - जोस बटलर, जेसन रॉय, डेवीड मलान, लिएम लिव्हिंगस्टोन, मोईन अली, सॅम कुरन, ख्रिस जॉर्डन, हॅरी ब्रूक, रिसे टॉपले, टायमल मिल्स, मॅथ्यू पर्किनसन ( England: 1 Jason Roy, 2 Jos Buttler (capt & wk), 3 Dawid Malan, 4 Moeen Ali, 5 Liam Livingstone, 6 Harry Brook, 7 Sam Curran, 8 Chris Jordan, 9 Tymal Mills, 10 Reece Topley, 11 Matt Parkinson)