India vs England 1st T20 I Live Updates : भारताने समोर ठेवलेल्या १९९ धावांच्या लक्ष्याचा पाठलाग करताना इंग्लंडला पहिल्याच षटकात धक्का बसला. भुवनेश्वर कुमारने ( Bhuvneshwar Kumar) टाकलेल्या चेंडूवर इंग्लंडचा कर्णधार जोस बटलर ( Jos Buttler) याचा त्रिफळा उडवला. अर्षदीप सिंगने पदार्पणात आत्मविश्वासाने गोलंदाजी केली. फलंदाजीत कमाल दाखवल्यानंतर हार्दिकने गोलंदाजीतही इंग्लंडला धक्का दिला. त्यांचे दोन फलंदाज २७ धावांवर माघारी परतले.
![]()
मैदानावर या अन् झोडायला सुरूवात करा... हाच पवित्रा घेत भारतीय फलंदाज मैदानावर उतरले. कोरोनातून सावरल्यानंतर मैदानावर उतरलेल्या रोहित शर्माने ( २४) दमदार सुरूवात करून दिली. त्यानंतर दीपक हुडा ( ३३) , सूर्यकुमार यादव ( ३९) यांनीही इंग्लंडच्या गोलंदाजांची धुलाई केली. हार्दिक पांड्या ( Hardik Pandya) याने ३३ चेंडूंत ६ चौकार व १ षटकारासह ५१ धावा करताना ट्वेंटी-२०तील पहिले अर्धशतक झळकावले. रोहितने या सामन्यात आंतरराष्ट्रीय ट्वेंटी-२०त कर्णधार म्हणून १००० धावांचा टप्पा ओलांडला. कर्णधार म्हणून भारतासाठी ट्वेंटी-२०त विराट कोहलीने १५७० धावा, महेंद्रसिंग धोनीने १११२ धावा आणि रोहितने १०११ धावा केल्या आहेत.
दीपक व सूर्यकुमार यांनी मधल्या फळीत चांगली फलंदाजी केली. हार्दिकने भारताच्या धावांचा वेग कायम ठेवला होता. पण, पुन्हा एकदा दिनेश कार्तिकच्या ( ११) आधी अक्षर पटेलला ( १७ ) पाठवण्याच्या निर्णयावर टीका होताना दिसतेय. भारताला अखेरच्या ५ षटकांत ४१ धावा करता आल्या आणि ४ विकेट्स गमावल्या. भारताने ८ बाद १९८ धावांपर्यंत मजल मारली. मोईन अली ( २-२६) व ख्रिस जॉर्डन ( २-२३) यांनी चांगली गोलंदाजी केली. प्रत्युत्तरात इंग्लंडला पहिल्याच षटकात धक्का बसला. भुवनेश्वर कुमारने ( Bhuvneshwar Kumar) इंग्लंडचा कर्णधार जोस बटलर याचा भोपळ्यावर त्रिफळा उडवला. पदार्पणवीर अर्षदीप सिंगनेही पहिले आंतरराष्ट्रीय षटक निर्धाव फेकून इंग्लंडवर दडपण निर्माण केले.
Web Title: IND vs ENG 1st T20 I Live Updates : Bhuvneshwar Kumar gets the big wicket, Jos Buttler gone for duck, England 2/27, Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
