IND vs ENG 1st Test Live Updates Day 1 ( Marathi News ) - इंग्लंडने नाणेफेक जिंकून प्रथम फलंदाजीचा निर्णय घेतला. भारतीय संघ आज अक्षर, रवींद्र जडेजा व आऱ अश्विन अशा तीन फिरकीपटूंसह मैदानावर उतरला आहे. रोहित व यशस्वी जैस्वाल ही जोडी सलामीला येईल. मोहम्मद सिराज व जसप्रीत बुमराह हे दोन जलदगती गोलंदाज संघात आहेत. त्याचवेळी बीसीसीआयने आवेश खान याला संघातून रिलीज करण्याचा निर्णय घेतला. विराट कोहली वैयक्तिक कारणास्तव माघारी परतला आहे आणि त्याच्या जागी रजत पाटीदार याची निवड केल्याचे बीसीसीआयने जाहीर केले.
ब्रेंडन मॅक्युलम मुख्य प्रशिक्षकपदी आल्यापासून इंग्लंडने कसोटीत बॅझबॉल ही संकल्पना म्हणजेच आक्रमक खेळ करण्यास सुरुवात केली. त्यामुळेच मॅक्युलमच्या कार्यकाळात आतापर्यंत इंग्लंडने १८ पैकी १३ कसोटी जिंकल्या आहेत. बेन डकेट व झॅक क्रॉली यांनी आज तिच प्रथा कायम राखताना ६७ चेंडूंत ५३ धावांची भागीदारी केली आणि यात ४० धावा या चौकारातून मिळवल्या होत्या. ही जोडी आर अश्विनने १२व्या षटकात तोडली. ७ चौकारांच्या मदतीने ३९ चेंडूंत ३५ धावा करणाऱ्या डकेटला ११.५ षटकात अश्वीनने पायचीत केले.