Ind Vs Eng 2nd T20 Match Today : पदार्पणाच्या सामन्यातच इशान किशननं ( Ishan Kishan) धमाका उडवला. लोकेश राहुल ( KL Rahul ) सोबत पहिल्याच सामन्यात सलामीला खेळण्याची संधी मिळाल्याचं दडपण न घेता त्यानं बेधडक फटकेबाजी केली. लोकेश पहिल्याच षटकात माघारी परतल्यानंतर त्यानं कर्णधार विराट कोहली ( Virat Kohli) याच्यासह ५६ चेंडूंत ९४ धावांची भागीदारी केली. विराटनंही नाबाद ७३ धावांची खेळी करून संघाला सहज विजय मिळवून दिला. टीम इंडियानं १७.५ षटकांत ३ विकेट्सच्या मोबदल्यात १६६ धावा केल्या. ( Virat Kohli becomes the first batsman to score 3,000 runs in T20Is)
इंग्लंडच्या जेसन रॉय ( ४६) याला अन्य फलंदाजांनी चांगली साथ दिली. इयॉन मॉर्गन आणि बेन स्टोक्स यांनी चांगला खेळ करताना इंग्लंडला ६ बाद १६४ धावांपर्यंत पल्ला गाठून दिला. वॉशिंग्टन सुंदर आणि शार्दूल ठाकूर यांनी सर्वाधिक दोन विकेट्स घेतल्या. शार्दूलनं २०व्या षटकात केवळ ६ धावा दिल्या. डेवीड मलान ( २४), जॉनी बेअरस्टो ( २०), इयॉन मॉर्गन ( २८) आणि बेन स्टोक्स ( २४) यांनी चांगला खेळ केला.
लोकेश राहुल याही सामन्यात अपयशी ठरला. तो पहिल्या षटकाच्या सहाव्या चेंडूवर भोपळ्यावर बाद झाला. पण, पदार्पणवीर इशान किशन ( Ishan Kishan) यानं इंग्लंडच्या गोलंदाजांची धुलाई केली. विराट कोहलीचीही बॅट आज फॉर्मात होती आणि त्यानं इशानसह दुसऱ्या विकेटसाठी झटपट अर्धशतकी भागीदारी केली. ४० धावांवर इशानला बेन स्टोक्सनं जीवदान दिलं, आदिल राशिदच्या गोलंदाजीवर त्यानं सोपा झेल सोडला. राशिदच्या गोलंदाजीवर त्यानं खणखणीत षटकार खेचले. १ बाद शून्यवरून त्यानं टीम इंडियाला २ बाद ९४ धावांपर्यंत मजल मारून दिली. पदार्पणातच इशान किशनचा धमाका; २८ चेंडूंत अर्धशतक अन् १० वर्षांपूर्वीच्या मोठ्या विक्रमाशी बरोबरी
त्यानंतर विराटनं अर्धशतक झळकावून टीम इंडियाला विजय मिळवून दिला. विराटनं ४९ चेंडूंत ५ चौकार व ३ षटकारांसह नाबाद ७३ धावा केल्या.
रिषभ पंतनं १३ चेंडूंत २ चौकार व २ षटकारांसह २६ धावा चोपल्या. विराटचे हे ट्वेंटी-२० आंतरराष्ट्रीय क्रिकेटमधील २६ वे अर्धशतक ठरले आणि यासह त्यानं
रोहित शर्माचा ( २१ अर्धशतक) विक्रम मोडला. यासह त्यानं आंतरराष्ट्रीय ट्वेंटी-२०त ३००० धावा करणाऱ्या पहिल्या फलंदाजाचा मान पटकावला.
Web Title: IND vs ENG, 2nd T20 : India wins by 7 wickets, Virat Kohli becomes the first batsman to score 3,000 runs in T20Is
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
