India vs England 4th test 2021 cricket match live scorecard updates : भारतीय संघानं दुसऱ्या डावात ४६६ धावा करताना विजयासाठी ठेवलेल्या ३६८ धावांच्या लक्ष्याचा पाठलाग करताना इंग्लंडच्या सलामीवीरांनी शतकी भागीदारी केली. शार्दूल ठाकूरनं टीम इंडियाला पहिलं यश मिळवून दिलं. त्यानंतर डेवीड मलानसाठी DRS घेतला गेला, परंतु अम्पायर्स कॉलमुळे तो वाचला. त्याला या जीवदानाचा फायदा उचलता आला नाही आणि पुढील षटकात तो माघारी परतला. लंच ब्रेकपर्यंत इंग्लंड हा सामना अनिर्णीत राखण्यात यश मिळवेल असेच चित्र होते, परंतु ब्रेकनंतर सर्व काही बदलले. रवींद्र जडेजा व जसप्रीत बुमराह यांनी इंग्लंडला तीन मोठे धक्के दिले. बुमराहनं भारताचे माजी कर्णधार कपिल देव यांचा मोठा विक्रम मोडला.
भारताविरुद्ध आतापर्यंत कोणत्याच संघाला चौथ्या डावात एवढे मोठे लक्ष्य पार करता आलेले नाही. पण, फलंदाजांसाठी पोषक बनलेल्य़ा खेळपट्टीवर इंग्लंडचे सलामावीर चिटकून बसले. रोरी बर्न्स व हसीब हमीद यांनी इंग्लंडला चांगली सुरुवात करून देताना विराट कोहलीचं टेंशन वाढवलं. चौथ्या दिवसाच्या बिनबाद ७७ धावांवरून आज सुरूवात करताना इंग्लंडच्या सलामीवीरांनी २३ धावांची भर घातली. शार्दूल ठाकूरनं टीम इंडियाला पहिलं यश मिळवून दिलं. रोरी बर्न्स १२५ चेंडूंत ५ चौकारांसह ५० धावा करून माघारी परतला. india vs england 4th test, india vs england 4th test live
बर्न्स बाद झाल्यानंतर कर्णधार विराट कोहलीचा उत्साह पाहण्यासारखा होता. त्यानं नेहमीच्या आक्रमक पवित्र्यात चाहत्यांकडे बघून जल्लोष केला आणि टीम इंडियाला आणखी चिअर करण्यास सांगितले. बर्न्सनंतर पुढील षटकात हसीब हमीदनं १२३ चेंडूंत अर्धशतक पूर्ण केलं. २००८ मध्ये इंग्लंडकडून चौथ्या डावात पहिल्या विकेटसाठी अखेरची शतकी खेळी झाली होती. १३ वर्षांनंतर इंग्लंडच्या सलामीवीरांनी आज पराक्रम केला. हमीद ५५ धावांवर असताना
रवींद्र जडेजाच्या गोलंदाजीवर मोहम्मद सिराजनं त्याचा सोपा झेल सोडला. india vs england 4th test live score, india vs england 4th test scorecard
जडेजाच्या गोलंदाजीवर डेवीड मलानसाठी LBWची अपील झाली, परंतु मैदानावरील अम्पायरनं नाबाद दिले. विराटनं DRS घेण्याचा निर्णय घेतला आणि अम्पायर्स कॉल दिल्यानं मलानला जीवदान मिळालं. पण, जडेजाच्या पुढील षटकात अति घाई नडली व मलान ५ धावांवर रन आऊट झाला. लंच ब्रेकपर्यंत इंग्लंडचे दोनच फलंदाज माघारी परतले होते. मात्र, लंच ब्रेकनंतर जडेजानं अप्रतिम चेंडूवर हमीदचा त्रिफळा उडवला. हमीद १९३ चेंडूंत ६३ धावांवर माघारी परतला. त्यानंतर जसप्रीतनं कमाल केली. त्यानं ओली पोप व जॉनी बेअरस्टो यांना झटपट माघारी पाठवले. इंग्लंडचा निम्मा संघ १४६ धावांवर तंबूत परतला आहे.ind vs eng live test match, ind vs eng live score, ind vs eng live score
जसप्रीत बुमराहनं कसोटीत १०० विकेट्स घेण्याचा विक्रम केला. त्यानं २४ डावांमध्ये १०० विकेट्स घेत कपिल देव यांचा ( २५ डाव) विक्रम मोडला. कपिल देव यांनी १९८०मध्ये हा विक्रम केला होता. इरफान पठाणननं २००८मध्ये २८ डावांमध्ये व मोहम्मद शमीनं २०१८मध्ये २९ डावांमध्ये १०० कसोटी विकेट्स घेण्याचा पराक्रम केला होता. जडेजानं मोईन अलीलाही बाद करून इंग्लंडला सहावा धक्का दिला.
Web Title: Ind vs Eng 4th Test 2021 Live updates: Jasprit Bumrah breaks Kapil Dev's record to become the fastest Indian pacer (24 Tests) to 100 Test wickets
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
