IND vs IRE 2nd T20I Live Marathi : यशस्वी जैस्वाल आणि तिलक वर्मा झटपट माघारी परतल्यानंतर संजू सॅमसन व ऋतुराज गायकवाड यांनी दमदार फटकेबाजी केली. आयर्लंडच्या गोलंदाजांना या दोघांनी चांगलेच चोपून काढले अन् १२ व्या षटकात फलकावर शतकी धावा चढवल्या.
जसप्रीत बुमराहच्या नेतृत्वाखाली भारतीय संघाने पहिल्या ट्वेंटी-२० सामन्यात डकवर्थ लुईस नियमानुसार २ धावांनी विजय मिळवून मालिकेत १-० अशी आघाडी घेतली. आजच्या सामन्यात आयर्लंडने नाणेफेक जिंकून प्रथम गोलंदाजीचा निर्णय घेतला आहे. बुमराहने आजच्या सामन्यात प्लेइंग इलेव्हनमध्ये कोणताच बदल केलेला नाही. यशस्वी जैस्वाल व ऋतुराज गायकवाड यांनी ३.४ षटकांत २९ धावा चोपून चांगली सुरुवात करून दिली होती, परंतु क्रेग यंगच्या बाऊन्सरवर यशस्वी ( १८) स्क्वेअर लेगला कर्टीस कॅम्फरच्या हाती झेल देऊन माघारी परतला. पहिल्या सामन्यात गोल्डन डकवर गेलेल्या तिलक वर्माने घाई केली आणि चुकीचा फटका मारून १ धावेवर झेलबाद झाला. भारताला ३४ धावांवर २ धक्के बसले.
![]()
ऋतुराजने दमदार फटकेबाजी करून धावांची गती झपाट्याने वाढवली. संजू सॅमसन एका बाजूने विकेट टिकवून खेळत होता. संजूनेही हळुहळू फटकेबाजी सुरू करताना ऋतूसह तिसऱ्या विकेटसाठी ५०+ धावांची भागीदारी केली. त्याने जोशुआ लिटलच्या एका षटकात ४,४,४,०,६ अशी फटकेबाजी केली. पण, १३व्या षटकात बेन व्हाईटने टाकलेला चेंडू बॅटची किनार घेत यष्टींवर आदळला अन् संजूला ४० धावांवर ( २६ चेंडू, ५ चौकार व १ षटकार) माघारी जावे लागले. ऋतुराजसह त्याने ४९ चेंडूंत ७१ धावांची भागीदारी केली.
Web Title: IND vs IRE 2nd T20I Live Marathi : Sanju Samson is on fire in Dublin; 4,4,4,0,6,0 in an over against Joshua Little, he out on 40 in just 26 balls with 5 fours and a six.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
