India vs Netherlands , T20 World Cup : भारतीय संघाचा कर्णधार रोहित शर्मा ( Rohit Sharma) याला अखेर आज सूर गवसला. महान फलंदाज सुनील गावस्कर यांनी रोहितच्या फॉर्म बाबत चिंता व्यक्त केली होती. पण, नेदरलँड्सविरुद्ध त्याने अर्धशतक झळकावले. दोन झेल सुटल्यानंतर रोहितने फटकेबाजी केली आणि अनेक विक्रमांची नोंद केली. विराट कोहलीने ( Virat Kohli) सलग दुसरे अर्धशतक पूर्ण करताना नेदरलँड्सच्या गोलंदाजांची चांगलीच धुलाई केली आणि त्यात सूर्यकुमार यादवनेही हात धुतले.
रोहित शर्माने अर्धशतक झळकावले, युवराज सिंगला मागे टाकले अन् सचिन तेंडुलकशी केली बरोबरी
लोकेश राहुल (९) पॉल व्हॅन मीकेरेनच्या गोलंदाजीवर LBW झाला. रोहितही सुरुवातीला अडखळला. त्याचे दोन झेल सुटले. नेदरलँड्सला ही चूक महागात पडली आणि रोहितने अर्धशतक झळकावले. त्याने ट्वेंटी-२० वर्ल्ड कपमध्ये भारताकडून सर्वाधिक ३४ सिक्स मारण्याचा विक्रम नावावर केला. युवराज सिंगचा ३३ षटकारांचा विक्रम रोहितने मोडला. आयसीसी स्पर्धांमध्ये रोहितचे हे २३ वी ५०+ खेळी ठरली. विराट कोहली ( २४) व सचिन तेंडुलकर ( २३) हे आघाडीवर आहेत. ट्वेंटी-२० वर्ल्ड कप स्पर्धेत सर्वाधिक ५०+ धावा करणाऱ्या फलंदाजांत रोहितने ( ९) ख्रिस गेलशी बरोबरी केली, या विक्रमात विराट ( ११) अव्वल स्थानावर आहे. रोहित ३९ चेंडूंत ४ चौकार व ३ षटकारांच्या मदतीने ५३ धावा करून बाद झाला. विराटसह त्याने ५६ चेंडूंत ७३ धावांची भागीदारी केली.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"