India vs New Zealand 1st T20I Live : अर्शदीप सिंगच्या अखेरच्या षटकात २७ धावा चोपल्यानंतर आत्मविश्वास कमावलेल्या न्यूझीलंडने गोलंदाजीतही कमाल करून दाखवली. १७७ धावांच्या लक्ष्याचा पाठलाग करणाऱ्या भारताची त्यांनी १५ धावांत ३ विकेट अशी अवस्था केली.
डॅरील मिचेल आणि डेव्हॉन कॉनवे या जोडीने भारताच्या गोलंदाजांची धुलाई केली, परंतु वॉशिंग्टन सुंदरच्या ( Washington Sundar ) एका षटकाने मॅच फिरवली. कॉनवे अर्धशतक झळकावून माघारी परतला. न्यूझीलंडने पहिल्या ट्वेंटी-२०त भारतासमोर आव्हानात्मक धावसंख्या उभी करण्यात यश मिळवले. डॅरील मिचेलने अखेरच्या षटकांत चांगले फटके मारले अन् अर्धशतक पूर्ण केले. अर्शदीप सिंगच्या अखेरच्या षटकात त्याने २७ धावा चोपल्या. फिन ॲलन ( ३५) आणि कॉनवे यांनी आक्रमक सुरुवात केली होती. वॉशिंग्टन सुंदरने त्याच्या एकाच षटकात दोन धक्के देत भारताला कमबॅक करून दिले.
कॉनवे व ग्लेन फिलिप्स यांची ६० धावांची भागीदारी कुलदीप यादवने तोडली. डॅरील मिचेल व कॉनवे यांनी दमदार खेळ केला. कॉनवे ५२ धावांवर बाद झाला. सुंदरने ४-०-२२-२ आणि कुलदीपने ४-०-२०-१ अशी कामगिरी केली. अर्शदीपच्या २०व्या षटकात मिचेलेने २७ धावा चोपून न्यूझीलंडला ६ बाद १७६ धावा उभ्या करून दिल्या. मिचेल ५९ धावांवर नाबाद राहिला.