India vs South Africa 1st ODI Live Updates : ट्वेंटी-२० मालिकेतील शतकवीर डेव्हिड मिलरने भारताविरुद्धच्या पहिल्या वन डे सामन्यातही अर्धशतक झळकावले. त्याने हेनरिच क्लासेनसह पाचव्या विकेटसाठी शतकी भागीदारी करताना दक्षिण आफ्रिकेला सन्मानजनक धावा उभ्या करून दिल्या. सलामीवीर क्विंटन डी कॉकनेही चांगली सुरुवात करून दिली. शार्दूल ठाकूर, कुलदीप यादव व रवी बिश्नोई यांना विकेट घेण्यात यश मिळाले. क्लासेननेही अर्धशतक झळकावले. या दोघांनी नंतर वादळी खेळी करून भारतासमोर तगडे लक्ष्य उभे केले.
शिखर धवनच्या नेतृत्वाखाली भारतीय संघ आजपासून दक्षिण आफ्रिकेविरुद्धच्या वन डे सामन्यात मैदानावर उतरला. ऋतुराज गायकवाडने आज पदार्पण केले आणि भारताने नाणेफेक जिंकून प्रथम गोलंदाजीचा निर्णय घेतला. सामन्यात पावसाने जवळपास दोन तास खोडा घातला होता आणि त्यामुळे सामन्यातील षटकांची संख्या ४०-४० अशी करण्यात आली. ट्वेंटी-२० मालिका गाजवणाऱ्या क्विंटन डी कॉकने पहिल्या वन डेत यानेमन मलानसह आफ्रिकेला सकारात्मक सुरुवात करून दिली. शार्दूल ठाकूरने ही जोडी तोडली आणि मलानला २२ धावांवर श्रेयस अय्यरकरवी झेलबाद केले.
क्विंटन व मलान यांनी ४९ धावांची भागीदारी केली. फॉर्माशी झगडणाऱ्या टेम्बा बवुमाची सुरुवात चाचपडत झाली, परंतु त्याने रवी बिश्नोईच्या एका षटकात दोन चौकार खेचून आत्मविश्वास कमावला. पण, शार्दूलने त्याचा त्रिफळा उडवला. बवुमा ८ धावांवर माघारी परतला. कुदीपने गुगली टाकून मार्करामचा त्रिफळा उडवला. अशाच प्रकारने २०१९च्या वर्ल्ड कप मध्ये बाबरचा त्रिफळा उडवला होता.
क्विंटन व हेनरिच क्लासेन यांनी डाव सावरण्याचा प्रयत्न केला, परंतु रवी बिश्नोईने महत्त्वाची विकेट टिपली. ५४ चेंडूत ५ चौकारांसह ४८ धावा करणाऱ्य़ा क्विंटनला त्याने पायचीत केले. ट्वेंटी-२० मालिकेत खणखणीत शतक झळकावणाऱ्या डेव्हिड मिलरने पाचव्या विकेटसाठी क्लासेनसह अर्धशतकी भागीदारी करून धावांचा वेग वाढवण्याचा प्रयत्न केला. शार्दूलने ८-१-३५-२ अशी कामगिरी केली. कुलदीपने ८ षटकांत ३९ धावा देत १ विकेट घेतली. मिलरने ५० चेंडूंत अर्धशतक पूर्ण केले. क्लासेननेही अर्धशतक झळकावले. अखेरच्या षटकांत मिलर व क्लासेन यांनी फटकेबाजीला सुरुवात केली, अशात ऋतुराज गायकवाडने मिलरचा झेल टिपण्यासाठी सर्वस्व पणाला लावले. त्याला अपयश आले, पण त्याने मनं जिंकली.
मिलर व क्सासेन यांनी ८५ चेंडूंत शतकी भागीदारी पूर्ण केली. ६४ धावांवर क्लासेनने उत्तुंग फटका मारला, परंतु
मोहम्मद सिराजला चेंडू टिपता आला नाही. पुढच्याच चेंडूवर मिलरने खणखणीत फटका मारला आणि यावेळेस रवी बिश्नोईने झेल टाकला. हे पाहून
आवेश खान संतापला अन् शिव्या घातलाना दिसला. त्यानंतर इशान किशनकडून मिस फिल्ड झाल्याने आफ्रिकेला चौकार मिळाला आणि आवेशच्या रागात भर पडली. आवेशच्या त्या षटकात १६ धावा आल्या. आवेशने ८ षटकांत ५१ धावा दिल्या.
बिश्नोई महागडा गोलंदाज ठरला, त्याने ८ षटकांत ६९ धावा देत १ विकेट घेतली. क्लासेनने ६५ चेंडूंत ६ चौकार व २ षटकारांसह नाबाद ७४ धावा केल्या, तर मिलर ६३ चेंडूंत ५ चौकार व ३ षटकारांसह ७५ धावांवर नाबाद राहिला. आफ्रिकेने ४ बाद २४९ धावा केल्या. या दोघांनी १०६ चेंडूंत १३९ धावांची भागीदारी केली.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"
Web Title: IND vs SA 1st ODI Live Updates : An unbroken 139-run fifth-wicket partnership between Heinrich Klaasen (74*) and David Miller (75*) sees us post 249/4 in the allotted 40 overs.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
