IND vs SA 2nd Test (Marathi News) : भारत-दक्षिण आफ्रिका यांच्यातल्या दुसऱ्या कसोटीच्या दुसऱ्या दिवशीही आफ्रिकेची अवस्था वाईट झाली आहे. जसप्रीत बुमराहने ( Jasprit Bumrah) त्याच्या पहिल्याच षटकात विकेट घेऊन यजमानांना बॅकफूटवर फेकले. त्यानंतर आणखी दोन धक्के देत त्याने डावात पाच विकेट्स पूर्ण करताना अनेक विक्रम नावावर केले. जसप्रीतने मोठी विकेट जवळपास मिळवून दिली होती, परंतु लोकेश राहुलच्या ( KL Rahul) चुकीने ती विकेट नाही मिळाली. ही चूक टीम इंडियाला आता महागात पडतेय.
एडन मार्करम अर्धशतक झळकावून एका बाजूने खिंड लढवताना दिसला. जसप्रीतने त्याचीही विकेट मिळवून दिली होती, परंतु लोकेश राहुलने सोपा झेल टाकला. ७४ धावांवर मार्करमला जीवदान मिळाले. त्यानंतर त्याने प्रसिद्ध कृष्णाच्या एका षटकात २० धावा कुटल्या आणि संघाला मोठ्या आघाडीच्या दिशेने घेऊन चालला. त्याने ९९ चेंडूंत शतक पूर्ण केले आणि आफ्रिकेची आघाडी ६० धावांपर्यंत नेली आहे.