India vs South Africa 3rd T20I Live Updates : मागील दोन सामन्यांत फार कमाल करू न शकलेल्या ऋतुराज गायकवाडला ( Ruturaj Gaikwad) मोक्याच्या सामन्यात सूर गवसला. ऋतुराजने पहिली फिफ्टी झळकावली. इशान किशनने ( Ishan Kishan) यानेही फॉर्म कायम राखताना आणखी एक अर्धशतक झळकावले. पहिल्या १० षटकांत १ बाद ९७ धावा करून ऋतुराज व इशानने विक्रमी कामगिरी केली. पण, त्यानंतर डावाच्या दुसऱ्या टप्प्यात दक्षिण आफ्रिकेच्या गोलंदाजांनी चांगले पुनरागमन केले. आफ्रिकेच्या खेळाडूंकडून सोपे झेल सुटले, पण त्याची भरपाई त्यांनी त्वरीत केली. ( India vs South Africa 3rd T20I चे संपूर्ण धावफलक पाहण्यासाठी क्लिक करा)
ऋतुराजने दमदार सुरुवात करून देताना आफ्रिकेच्या गोलंदाजांवर दडपण निर्माण केले. ऋतुराजने पाचव्या षटकात एनरिच नॉर्खियाला सलग ५ चौकार खेचले. भारताने ५.३ षटकांत फलकावर ५० धावा चढवल्या. त्याने पहिल्या विकेटसाठी ९७ धावांची भागीदारी केली. दक्षिण आफ्रिकेविरुद्ध भारतीय सलामीवीरांनी केलेली ही सर्वोत्तम भागीदारी ठरली. १०व्या षटकात केशव महाराजने ही भागीदारी तोडली. ३५ चेंडूंत ७ चौकार व २ षटकारांसह ५७ धावा करणाऱ्या ऋतुराजला त्याने अफलातून झेल घेत बाद केले.
ऋतुराज माघारी परतल्यानंतर इशानने आपला आक्रमक पवित्रा धारण केला.. त्यानेही ३१ चेंडूंत अर्धशतक पूर्ण करताना केशव महाराजला चांगलेच चोपले. श्रेयस अय्यरनेही चांगले फटके मारले, परंतु तब्रेझ शम्सीने १३व्या षटकात भारतीय फलंदाजाला १४ धावांवर माघारी पाठवले. श्रेयसने दुसऱ्या विकेटसाठी इशानसह १८ चेंडूंत ३१ धावा जोडल्या. त्यानंतर पुढील पाचव्या चेंडूवर टीम इंडियाला मोठा धक्का बसला. ड्वेन प्रेटोरीयसने टाकलेल्या ऑफ कटर स्लोव्हर चेंडूवर इशानचा फटका चूकला व तो रिझा हेड्रीक्सच्या हाती झेलबाद झाला. इशानने ३५ चेंडूंत ५ चौकार व २ षटकारांसह ५४ धावा केल्या.
१५व्या षटकात
हार्दिक पांड्या १ धावेवर असताना डेव्हिड मिलरने सोपा झेल टाकला. रॅसी व्हॅन डेर ड्यूसेनने टीम इंडियाचा कर्णधार रिषभ पंतला ४ धावांवर जीवदान दिले. पण, प्रेटोरीयसच्या त्याच षटकात पंत ६ धावांवर बाद झाला. दिनेश कार्तिकही ६ धावांवर माघारी परतला. आफ्रिकेच्या गोलंदाजांनी चांगले कमबॅक केले.
हार्दिक पांड्याने अखेरच्या षटकात सुरेख फटके मारून भारताला तगडे आव्हान उभे करून दिले. पांड्याने ३१ धावा करताना भारताची धावसंख्या ५ बाद १७९ धावा अशी पोहोचवली.
Web Title: IND vs SA 3rd T20I Live Updates : Ruturaj Gaikwad 57 runs from 35 balls & Ishan Kishan 54 runs from 35 balls, South Africa need 180 to win
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
