India vs South Africa 5th T20I Live Updates : पाचव्या ट्वेंटी-२० सामन्यात पावसाने दमदार बॅटींग सुरू ठेवली आहे. पावसामुळे भारत-दक्षिण आफ्रिका ट्वेंटी-२० लढत ५० मिनिटे उशीराने सुरू झाली आणि ३.३ षटकांचा सामना झाल्यानंतर पुन्हा पावसाने एन्ट्री घेतली. त्यामुळे अजूनही सामना सुरू झालेला नाही. बंगळुरूत अजूनही पाऊस पडतोय आणि हीच परिस्थिती राहिली तर ५-५ षटकांचा सामना खेळवण्याची तयारी अम्पायर्सनी दाखवली आहे. पण, त्यासाठी त्यांनी एक निर्धारीत वेळ ठरवली आहे. त्याआधी परिस्थिती सुधरली नाही, तर हा सामना रद्दही होऊ शकते.
आता हाती आलेल्या अपडेट्सनुसार १०.०२ वाजेपर्यंत हा सामना सुरू करू शकतो अशी माहीती अम्पायर्सनी दिली आणि ५-५ षटकांचा सामना होऊ शकतो. पण, जर पाऊस असा सुरू राहीला तर तेही शक्य होणार नाही.