Jeffrey Vandersay, IND vs SL 2nd ODI Live Updates: टॉस जिंकून प्रथम फलंदाजी करणाऱ्या श्रीलंकेने दुसऱ्या वन-डेमध्ये भारतापुढे २४१ धावांचे आव्हान ठेवले. फिरकीपटूंना पोषक खेळपट्टीवर सलामीवीर अविष्का फर्नांडो (४०), कामिंडु मेंडिस (४०) आणि दुनिथ वेल्लालागे (३९) या फलंदाजांच्या चिवट खेळीच्या जोरावर श्रीलंकेने २४० धावांपर्यंत मजल मारली. या आव्हानाचा पाठलाग करताना श्रीलंकेच्या जेफ्री वँडरसे याने भारतीय संघाला जोरदार 'पंच' देत सर्वोत्तम कामगिरी केली.
रोहित शर्मा आणि शुबमन गिल या जोडीने आपल्या नेहमीच्या पद्धतीने सुरुवात केली. पहिल्या विकेटसाठी या दोघांनी ९७ धावांची भागीदारी केली. रोहित शर्माने ४४ चेंडूत ५ चौकार आणि ४ षटकारांच्या मदतीने ६४ धावा केल्या. त्याने डावाला चांगली सुरुवात मिळवून दिली. पण जेफ्री वँडरसेच्या वादळाने भारताचा डाव गडगडला. रोहित शर्माने रिव्हर्स स्वीप खेळताना झेलबाद झाला. त्यानंतर शुबमन गिल ३५ धावांवर झेल देवून बसला. पुढे विराट कोहली (१४), शिवम दुबे (०) आणि श्रेयस अय्यर (७) या तिघांनाही जेफ्रीने पायचीत केले. त्यानंतर अनुभवी के एल राहुलचा (०) त्याने त्रिफळा उडवला.
Web Title: IND vs SL 2nd ODI Live Updates Jeffrey Vandersay gave a big blow to the Team India Rohit Virat Gill Wickets Out
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
