India vs Sri Lanka 2nd T20I Live : कुसल मेंडिस व पथुम निसंका यांनी श्रीलंकेला आक्रमक सुरुवात करून दिली आणि भारताच्या गोलंदाजांची चांगली धुलाई झाली. पण, युझवेंद्र चहलने पहिले यश मिळवून दिले. उम्रान मलिकने ( Umran Malik) पुन्हा एकदा वेगाने सर्वांचे लक्ष वेधले. पहिल्या सामन्यात १५५ kmph च्या वेगाने उम्रानने चेंडू टाकला होता अन् आजही त्याने भन्नाट वेगवान चेंडू टाकून भानुका राजपक्षाचा त्रिफळा उडवला.
राहुल त्रिपाठी आणि अर्शदीप सिंग आजच्या सामन्यात खेळणार आहेत आणि संजू सॅमसन व हर्षल पटेल यांना बाहेर बसावे लागले. संजूने दुखापतीमुळे मालिकेतूनच माघार घेतली आहे. भारताकडून ट्वेंटी-२०त पदार्पण करणारा राहुल त्रिपाठी हा तिसरा वयस्कर खेळाडू ठरला. आज राहुल त्रिपाठीने ३१ वर्ष व ३०९ दिवसांचा असताना पदार्पण केले. नाणेफेक जिंकून प्रथम फलंदाजी करण्याची आयती संधी सोडून कर्णधार हार्दिक पांड्याने गोलंदाजीचा निर्णय घेतला अन् सर्वांना आश्चर्याचा धक्का बसला. हार्दिकने पहिल्या षटकात केवळ ४ धावा दिल्या होत्या. पण, आज पुनरागमन करणाऱ्या अर्शदीप सिंगने ( Arshdeep Singh) नकोशी हॅटट्रिक नोंदवली अन् हार्दिकचा पारा चढला. ( India vs Sri Lanka Live Scorecard Click here )
![]()
अर्शदीपने त्याच्या पहिल्या व सामन्याच्या दुसऱ्या षटकात सलग तीन नो बॉल टाकले आणि ट्वेंटी-२०त एकाच षटकात नो बॉलची हॅटट्रिक नोंदवणारा तो पहिला भारतीय गोलंदाज ठरला. त्याने दुसऱ्या षटकात १९ धावा दिल्या अन् हार्दिकचा पारा चढला. शिवम मावीनेही त्याच्या पहिल्या षटकात १५ धावा दिल्या. श्रीलंकेची धावगती रोखण्यासाठी हार्दिकने अक्षर पटेलला आणले आणि त्याने पहिल्या षटकात दोन धावा दिल्या. युझवेंद्र चहलनेही चांगली गोलंदाजी केली अन् श्रीलंकेनं पहिल्या पॉवर प्लेमध्ये ५५ धावा केल्या. कुसल मेंडिसने २७ चेंडूंत अर्धशतक झळकावले. ट्वेंटी-२० मधील हे त्याचे ११वे अर्धशतक ठरले. ९व्या षटकात युझवेंद्र चहलने भारताला पहिले यश मिळवून दिले. मेंडिस ३१ चेंडूंत ३ चौकार व ४ षटकारांसह ५२ धावांवर LBW झाला. भारताचा DRS यशस्वी ठरला.
उम्रान मलिकने भन्नाट चेंडू टाकून भानुका राजपक्षाचा ( २) त्रिफळा उडवला. चहलने त्याच्याच गोलंदाजीवर पथुम निसंकाचा झेल सोडला. पण, अक्षर पटेलने ही विकेट मिळवून दिली, राहुल त्रिपाठीने अप्रतिम झेल घेतला. निसंका ३३ धावांवर माघारी परतला. खेळपट्टीवर आता दोन्ही नवीन फलंदाज होते आणि भारतीय गोलंदाजांना कमबॅक करण्याची हीच ती वेळ होती. अक्षरने श्रीलंकेला चौथा धक्का देताना धनंजया डी सिल्वाला ( ३) बाद केले.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"
Web Title: IND vs SL 2nd T20I Live : What a ball from Umran Malik, 147 kmph cleans up Bhanuka Rajapaksha, Watch Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
