India vs West Indies 1st ODI Live Updates : युवा खेळाडूंना सोबत घेऊन मैदानावर उतरलेल्या शिखर धवनने भारताला आश्वासक सुरूवात करून दिली. शुबमन गिलने ( Shubman Gill) वन डेतील पहिले अर्धशतक झळकावताना गब्बरसह पहिल्या विकेटसाठी शतकी भागीदारी केली. पण, १८व्या षटकात या जोडीला नजर लागली अन् शुबमनला माघारी जावं लागलं. गचाळ क्षेत्ररक्षणामुळे आतापर्यंत वेस्ट इंडिजच्या खेळाडूंनी भारतीय फलंदाजांना बरीच मदत केली होती, परंतु त्यांना गृहित धरणे महागात पडले. विंडीजचा कर्णधार निकोलस पूरन ( Nicholas Pooran) याने अप्रतिम क्षेत्ररक्षण करून ११९ धावांची भागीदारी संपुष्टात आणली. ( IND vs WI 1st ODI सामन्याचे धावफलक एका क्लिकवर)
शुबमन गिल व शिखर धवन सलामीला येणार आले आणि त्यांनी चौकारांचा पाऊस पाडला. विंडीजच्या गचाळ क्षेत्ररक्षणाचा भारतीय फलंदाज पुरेपूर फायदा उचलताला. शुबमनने ३६ चेंडूंत ६ चौकार व २ षटकारांसह अर्धशतक पूर्ण केले. गिलचे हे वन डेतील पहिलेच अर्धशतक ठरले, तर भारताकडून वन डे क्रिकेटमध्ये अर्धशतक झळकावणारा तो ९७वा फलंदाज ठरला. वेस्ट इंडिजमध्ये वन डेत अर्धशतक झळकावणारा शुबमन हा विराट कोहलीनंतर ( २२ वर्ष व २१५ दिवस) दुसरा युवा फलंदाज ठरला. शुबमनचे वय २२ वर्ष व ३१७ दिवस आहे.