Prasidh Krishna, IND vs WI, 2nd ODI Live Updates : भारतीय संघाने दुसऱ्या वन डे सामन्यात ४४ धावांनी विजय मिळवून वेस्ट इंडिजविरुद्धच्या मालिकेत २-० अशी विजयी आघाडी घेतली. भारताने वेस्ट इंडिजविरुद्ध मागील ११ वन डे सामन्यांत विजय मिळवला आहे. २००६ मध्ये त्यांना विंडीजकडून अखेरचा मालिका पराभव पत्करावा लागला होता. भारताने २००७ ते २०२२ पर्यंत वेस्ट इंडिजविरुद्ध सलग ११ वन डे मालिका जिंकल्या आहेत आणि यासह त्यांनी पाकिस्तानच्या विक्रमाशी बरोबरी केली. पाकिस्तानने १९९६ ते २०२१ या कालावधीत झिम्बाब्वे विरुद्ध ११ वन डे मालिका जिंकल्या आहेत.
लोकेश राहुल ( ४९) व सूर्यकुमार यादव ( ६४) यांनी फलंदाजी कमाल दाखवली, पण आजच्या विजयाचा स्टार ठरला तो गोलंदाज प्रसिद्ध कृष्णा... त्याने ९ षटकांत १२ धावा देताना सर्वाधिक ४ विकेट्स घेतल्या. त्याने तीन षटकं निर्धाव टाकली. म्हणून त्याला प्लेअर ऑफ दी मॅच म्हणून गौरविण्यात आले. भारताच्या ९ बाद २३७ धावांच्या माफक लक्ष्याचा पाठलाग करताना वेस्ट इंडिजचा संपूर्ण संघ ४६ षटकांत १९३ धावांवर माघारी परतला.
''अशी कामगिरी करण्यासाठी मी बऱ्याच काळापासून प्रयत्नशील होतो. आज त्याला यश मिळाल्याने आनंदीत आहे. त्यासाठी मी काही खास केले नाही, फक्त चेंडू योग्य टप्प्यावर टाकला. मी फलंदाजीला आलो तेव्हा चेंडू वळसा घेत होता, त्यामुळे मला गोलंदाजी कशी करायला हवी याचा अंदाज आहे. आता सातत्यपूर्ण कामगिरी हेच लक्ष्य आहे,''असे प्रसिद्ध सामन्यानंतर म्हणाला.
दरम्यान, सामन्यानंतर सोशल मीडियावर एक व्हिडीओ सोशल मीडियावर व्हायरल झाला. त्यात रोहित शर्मा क्षेत्ररक्षण लावताना युझवेंद्र चहलवर ओरडताना दिसतोय...
पाहा व्हिडीओ..
Web Title: IND vs WI, 2nd ODI Live Updates : Rohit Sharma to Yuzvendra Chahal (while changing field) : "Kya hua bhaag kyu nhi raha hai theek se...chal udhar bhaag!", Watch Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
