India vs West Indies 3rd T20I Live Updates : वेस्ट इंडिजने २०१६ नंतर भारताला सलग दोन ट्वेंटी-२० सामन्यांत पराभूत करून ऐतिहासिक कामगिरी केली आणि आज त्यांच्याकडे भारताची १७ वर्षांची मालिका विजयाची अपराजित मालिका खंडीत करण्याची संधी आहे. हार्दिक पांड्याच्या नेतृत्वाखाली खेळणारा भारतीय संघ ०-२ असा पिछाडीवर आहे आणि आज त्यांना विजय मिळवून मालिकेतील आव्हान कायम राखण्याची शेवटची संधी आहे. त्यासाठी आज टीम इंडियाच्या प्लेइंग इलेव्हनमध्ये बदल अपेक्षित आहेत.
इशान किशन व शुबमन गिल हे दोन्ही सामन्यांत काही प्रभाव पाडू शकले नाहीत. सूर्यकुमार यादव व संजू सॅमसन यांना संदीचं सोनं करता आले नाही. त्यामुळे हार्दिक पांड्याचे टेंशन वाढलं आहे. अशात यशस्वी जैस्वालला संधी मिळण्याची संधी आहे. गोलंदाजीतही बदल होऊ शकतात. दुसऱ्या ट्वेंटी-२०त अक्षर पटेलला संधी मिळाली, परंतु हार्दिकने त्याच्याकडून एकही षटक टाकून घेतले नाही. कसोटी मालिकेत दमदार पदार्पण करणाऱ्या यशस्वी जैस्वालला आज ट्वेंटी-२०त पदार्पणाची संधी दिली गेली आहे. कसोटी मालिकेत त्याने १७१ धावांच्या वैयक्तिक खेळीसह ३ इनिंग्जमध्ये २६६ धावा केल्या होत्या आणि अनेक विक्रम मोडले होते.
![]()
आयपीएल २०२३ मध्ये यशस्वीने आक्रमक फटकेबाजीने तगड्या प्रतिस्पर्धींना हतबल केले आणि आज त्याला सलामीला पाठवले जाण्याची शक्यता आहे. विंडीजने आजच्या सामन्यात जेसन होल्डरशिवाय खेळण्याचा निर्णय घेतला आहे. दुसऱ्या सामन्यात जेसनच्या मांडीचे स्नायू ताणले गेले होते आणि त्यामुळे व्यवस्थापनाने त्याला विश्रांती देण्याचा निर्णय घेतला. भारताने इशान किशन व रवी बिश्नोई यांच्या जागी प्लेइंग इलेव्हनमध्ये यशस्वी व कुलदीप यादवला संधी दिलीय.
Web Title: IND vs WI 3rd T20I Marathi Live : Yashasvi Jaiswal making his T20I debut, 2 changes in India Playing XI; West Indies won the toss and elected to bat
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
