IND vs AUS, 2nd Test : ICC Men's Rankings - भारतीय संघाने नागपूर कसोटी जिंकून ऑस्ट्रेलियाविरुद्धच्या मालिकेत १-० अशी आघाडी घेतली आहे. रोहित शर्माचे शतक, रवींद्र जडेजाची अष्टपैलू कामगिरी, अक्षर पटेलची दमदार फलंदाजी आणि आर अश्विनची फिरकी, याच्या जोरावर भारताने पहिली कसोटीत एक डाव व १३२ धावांनी ही कसोटी जिंकली. या विजयाचा भारतीय संघाला आणि भारतीय खेळाडूंना आयसीसी कसोटी क्रमवारीत खूप मोठा फायदा झाला आहे. भारतीय संघ कसोटी क्रमवारीत पहिल्या क्रमांकावर विराजमान झाला आहे. ट्वेंटी-२०, वन डे व कसोटी या तीनही फॉरमॅटमध्ये आता भारतीय संघ नंबर वन आहे आणि आशियातील संघाने असा पराक्रम करण्याची ही पहिलीच वेळ ठरली. जगातील हा दुसरा संघ ठरला आहे.
स्मृती मानधना ट्वेंटी-२० वर्ल्ड कपच्या दुसऱ्या सामन्यालाही मुकणार? आज भारत-वेस्ट इंडिज सामना होणार
भारताचा फिरकीपटू आर अश्विन हा पुन्हा एकदा टॉप टेनमध्ये आला आहे आणि रवींद्र जडेजानेही मोठी झेप घेतली आहे. अश्विनने दुसऱ्या डावात ५-३७ अशी आणि पहिल्या डावात ३-४२ अशी कामगिरी केली. ३६ वर्षीय गोलंदाज कसोटी क्रमवारीत दुसऱ्या क्रमांकावर आला आहे. ऑस्ट्रेलियन गोलंदाज पॅट कमिन्स नंबर वन वर आहे. जडेजानेही नागपूर कसोटीत पहिल्या डावात ५-४७ अशी गोलंदाजी केली होती आणि दुसऱ्या डावात २-३४ अशी कामगिरी केली.
भारताचे व खेळाडूचे वर्चस्व
- कसोटीत नंबर १
- ट्वेंटी-२० त नंबर १
- वन डे त नंबर १
- ट्वेंटी-२० नंबर वन फलंदाज - सूर्यकुमार यादव
- वन डेत नंबर वन गोलंदाज - मोहम्मद सिराज
- कसोटीत नंबर वन ऑल राऊंडर - रवींद्र जडेजा
- कसोटीत नंबर दोन गोलंदाज - आर अश्विन
- कसोटीत नंबर दोन ऑल राऊंडर - आर अश्विन
- ट्वेंटी-२०त नंबर दोन ऑल राऊंडर - हार्दिक पांड्या
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"