India Playing XI 2nd T20 vs Sri Lanka : भारत-श्रीलंका यांच्यातला दुसरा ट्वेंटी-२० सामना आज धर्मशाला येथे खेळवण्यात येणार आहे. या सामन्यापूर्वी भारताला दुखापतीमुळे आणखी एक झटका बसला अन् सलामीवीर ऋतुराज गायकवाड ( Rututraj Gaikwad) याला मालिकेतून माघार घ्यावी लागली. पहिल्या सामन्यापूर्वी सराव करताना त्याच्या मनगटाला मार लागला आणि त्याला अंतिम ११मध्ये स्थान पटकावता आले नाही. त्यानंतर शनिवारी BCCIने ऋतुराज मालिकेतच खेळणार नसल्याचे जाहीर केले. आता तो लोकेश राहुल, सूर्यकुमार यादव यांच्यासह बंगळुरू येथील राष्ट्रीय क्रिकेट अकादमीत दाखल होणार आहे.
ऋतुराजच्या माघारीमुळे संजू सॅमसनला आणखी एक संधी मिळणार आहे. कर्णधार रोहित शर्मा ( Rohit Sharma) विजयी संघात फार बदल करण्याची अपेक्षा कमीच आहे. भारताने पहिल्या सामन्यात ६२ धावांनी विजय मिळवून तीन सामन्यांच्या मालिकेत १-० अशी आघाडी घेतली आहे. या सामन्यात दीपक हुडाने पदार्पण केले होते, परंतु त्याच्याजागी आजच्या सामन्यात कुलदीप यादवला संधी मिळण्याची शक्यता वर्तवण्यात येत आहे. IND vs SL 2nd T20 Live Updates
पहिल्या सामन्यात रोहित व इशान किशन यांनी पहिल्या विकेटसाठी १११ धावांची भागीदारी केली होती. रोहित ४४ धावांवर माघारी परतल्यानंतर इशानने ८६ धावांची खेळी साकारली, तर श्रेयस अय्यरने झटपट अर्धशतक झळकावले होते.
भारताचा संभाव्य संघ ( India Playing XI 2nd T20)१. रोहित शर्मा ( कर्णधार)२. इशान किशन ( यष्टिरक्षक)३. संजू सॅमसन४. श्रेयस अय्यर५. रवींद्र जडेजा६. वेंकटेश अय्यर७. दीपक हुडा/कुलदीप यादव८. भुवनेश्वर कुमार९. हर्षल पटेल१०. जसप्रीत बुमराह ( उप कर्णधार) ११. युझवेंद्र चहल