कसोटी रँकिंगमध्ये भारत अव्वल स्थानी कायम, आॅस्ट्रेलिया 5व्या स्थानी

भारत आयसीसी कसोटी रँकिंगमध्ये पहिल्याप्रमाणे अव्वल स्थानी कायम आहे; परंतु आॅस्ट्रेलिया आज बांगलादेशविरुद्ध दोन कसोटी सामन्यांची मालिका बरोबरीत राहिल्यामुळे एका क्रमांकाने घसरून पाचव्या स्थानी पोहोचला आहे.

दुबई : भारत आयसीसी कसोटी रँकिंगमध्ये पहिल्याप्रमाणे अव्वल स्थानी कायम आहे; परंतु आॅस्ट्रेलिया आज बांगलादेशविरुद्ध दोन कसोटी सामन्यांची मालिका बरोबरीत राहिल्यामुळे एका क्रमांकाने घसरून पाचव्या स्थानी पोहोचला आहे.भारताने नुकत्याच कसोटी मालिकेत श्रीलंकेला त्यांच्या भूमीवर ३-० असे पराभूत केले होते. आता त्यांचे १२५ गुण आहेत.आॅस्ट्रेलियाचे आता न्यूझीलंडच्या बरोबरीने ९७ गुण आहेत; परंतु दशांशच्या गणनेनुसार ती पिछाडीवर आहेत. त्यामुळे त्यांची एका क्रमांकाने घसरण झाली आहे. न्यूझीलंड चौथ्या स्थानावर पोहोचला आहे. आॅस्ट्रेलियाने बांगलादेशविरुद्ध दोन सामन्यांची मालिका १-१ अशी बरोबरीत सेडवली.