India Tour of South Africa : भारताच्या दक्षिण आफ्रिका दौऱ्याचे सुधारित वेळापत्रक सोमवारी जाहीर करण्यात आले. १७ डिसेंबरपासून हा दौरा सुरू होणार होता, परंतु कोरोनाच्या नव्या व्हेरिएंटमुळे हा दौरा पुढे ढकलण्यात आला. या दौऱ्यातील चार ट्वेंटी-२० सामन्यांची मालिका रद्द करण्यात आली. भारतीय संघ या दौऱ्यावर आता तीन कसोटी व तीन वन डे सामन्यांची मालिका खेळणार आहे. २६ डिसेंबरपासून या दौऱ्याला सुरुवात होणार आहे.
आयसीसी जागतिक कसोटी अजिंक्यपद २०२१-२३ स्पर्धेतील तीन कसोटी सामन्यांची मालिका होणार आहे. भारतीय संघानं आज न्यूझीलंडविरुद्धची कसोटी मालिका १-० अशी जिंकली. भारतानं या विजयासह WTCमध्ये १२ गुण कमावले. त्यांच्या खात्यात एकूण ३ विजय, १ पराभव व २ ड्रॉ अशा निकालांसह ४२ गुण जमा झाले आहेत. भारतीय संघ तिसऱ्या क्रमांकावर आहे. श्रीलंका व पाकिस्तान यांच्या खात्यात प्रत्येकी २४ गुण असले तरी त्यांची विजयाची टक्केवारी भारतापेक्षा वरचढ आहे. आता आफ्रिका दौऱ्यावर भारतीय संघ मालिका विजय मिळवून जागतिक कसोटीत अव्वल स्थान पटकावण्याची संधी आहे.
भारत-दक्षिण आफ्रिका दौऱ्याचे वेळापत्रक
पहिली कसोटी - २६ ते ३० डिसेंबर, दुपारी १.३० वाजल्यापासून, सेंच्युरियन
दुसरी कसोटी - ३ ते ७ जानेवारी, २०२२, दुपारी १.३० वाजल्यापासून, जोहान्सबर्ग
तिसरी कसोटी - ११ ते १५ जानेवारी, २०२२, दुपारी २ वाजल्यापासून, केप टाऊन
पहिली वन डे - १९ जानेवारी २०२२, दुपारी २ वाजल्यापासून, पार्ल
दुसरी वन डे - २१ जानेवारी २०२२, दुपारी २ वाजल्यापासून, पार्ल
तिसरी वन डे - २३ जानेवारी २०२२, दुपारी २ वाजल्यापासून, केप टाऊन
Web Title: India Tour of South Africa : Updated schedule for India tour of South Africa announced
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
