India vs Afghanistan 1st T20I Marathi Update : भारतीय गोलंदाजांनी त्यांची कामगिरी पहिल्या १० षटकांत चोख बजावली होती. अक्षर पटेलच्या २ व शिवम दुबेच्या १ विकेटने अफगाणिस्तानला बॅकफूटवर फेकलेले. पण, अनुभवी फलंदाज मोहम्मद नबी व अझमतुल्लाह उमरजाई जोडी मैदानावर उभी राहिली आणि मजबूत धावसंख्या उभारून दिली. प्रत्युत्तरात, भारताला दुसऱ्याच षटकात धक्का बसला अन् कर्णधार रोहित शर्मा खवळला.
प्रथम फलंदाजीला आलेल्या
अफगाणिस्तानला रहमनुल्लाह गुरबाज ( २३) व कर्णधार इब्राहिम जादरान ( २५) यांनी अर्धशतकी भागीदारी करून दिली. पण, अक्षर पटेलने २ व शिवम दुबेने १ विकेट घेत बिनबाद ५० वरून त्यांची अवस्था ३ बाद ५७ अशी केली. मोहम्मद नबी व अझमतुल्लाह उमरजाई यांनी डाव सारवला आणि ४३ चेंडूंत ६८ धावा जोडल्या. मुकेश कुमारने १८व्या षटकाच्या पहिल्या चेंडूवर उमरजाई ( २९) आणि शेवटच्या चेंडूवर नबीची विकेट घेतली. त्याने २७ चेंडूंत २ चौकार व ३ षटकारासह ४२ धावा केल्या. अफगाणिस्तानने ५ बाद १५८ धावा करून भारतासमोर आव्हानात्मक लक्ष्य उभे केले. त्यांनी शेवटच्या १० षटकांत १०१ धावा चोपल्या. अक्षर व मुकेश यांनी प्रत्येकी २ विकेट्स घेतल्या.
![]()
१४ महिन्यानंतर ट्वेंटी-२० सामना खेळणाऱ्या रोहितच्या फलंदाजीची सर्वांना उत्सुकता होती. त्याने दुसराच चेंडू मिड ऑफच्या दिशेने मारला.. नॉन स्ट्राईकवर उभा असलेला शुबमन गिल चेंडूकडे पाहत बसला, तोपर्यंत रोहित क्रिज सोडून बराच पुढे आला होता. जादरानने चेंडू लगेच यष्टिरक्षक रहमनुल्लाहकडे फेकला अन् रोहित शुन्यावर रन आऊट झाला. जाता जाता रोहित प्रचंड संतापलेला दिसला आणि तो शुबमनला मैदानावर खडे बोल सुनावताना दिसला. रोहित ५२ डावात पाचव्यांदा ट्वेंटी-२०त शून्यावर बाद झाला. भारताचे अन्य कर्णधार १४७ डावांत केवळ ४ वेळा शून्यावर बाद झाले आहेत.
Web Title: India vs Afghanistan 1st T20I Marathi Update : Rohit Sharma runout for a duck. The argument with Shubman Gill mid-pitch, Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
