India vs Australia 1st test live score updates : रोहित शर्माच्या ( Rohit Sharma Century) शतकानंतर रवींद्र जडेजा आणि अक्षर पटेल यांनी वैयक्तिक अर्धशतक झळकावताना भारताला मजबूत आघाडी मिळवून दिली. रोहित तिन्ही फॉरमॅटमध्ये शतक झळकावणारा भारताचा पहिला कर्णधार ठरला. त्याने आज शतक झळकावताना अनेक विक्रम मोडले. रोहितची बाद झाल्यानंतर ऑस्ट्रेलियाला सामन्यावर पकड घेता आली असती, परंतु जडेजा-पटेल यांनी त्यांना चोपून काढले. Ind vs aus scorecard, Ind vs aus live match
१७ चेंडूंत चोपल्या ७२ धावा! रोहित शर्माच्या ऐतिहासिक खेळीचा ५ मिनिटांचा Video
१७७ धावांचा पाठला करताना रोहित शर्मा आणि लोकेश राहुल ( २०) यांनी ७६ धावांची भागीदारी केली. नाईट वॉचमन म्हणून आलेला अश्विन ( २३) रोहितसह १०४ चेंडूंत ४२ धावांची भागीदारी करून माघारी परतला. चेतेश्वर पुजारा ( ७), विराट कोहली ( १२), सूर्यकुमार यादव ( ८) हे झटपट माघारी परतल्यानंतर रोहित व रवींद्र जडेजा यांनी अर्धशतकी भागीदारी करून भारताचा डाव सावरला. रोहितने १७१ चेंडूंत शतक पूर्ण केले. कर्णधार म्हणून त्याचे हे पहिले कसोटी शतक ठरले. क्रिकेटच्या तीनही फॉरमॅटमध्ये कर्णधार म्हणून शतक झळकावणारा तो पहिला भारतीय कर्णधार ठरला.
चहापानानंतर भारताला मोठा धक्का बसला. रोहित २१२ चेंडूंत १५ चौकार व २ षटकार खेचून १२० धावांवर बाद झाला. पॅट कमिन्सने त्याचा त्रिफळा उडवला. मर्फीने पदार्पणवीर केएस भरतची ( ८) विकेट घेतली आणि पदार्पणात डावात पाच विकेट्स घेणारा ऑस्ट्रेलियाचा तिसरा फिरकीपटू ठरला. २००८मध्ये जेसन क्रेझाने ८/२१५ ( वि. भारत) आणि नॅथन लियॉनने २०११मध्ये ५/३४ ( वि. श्रीलंका) अशी कामगिरी केली होती. रोहितला बाद केल्यानंतर सामन्यावर पकड घेता येईल असे ऑसींना वाटले होते, परंतु रवींद्र जडेजा व अक्षर पटेलने त्यांनी वाट लावली. पाच विकेट्स घेणाऱ्या जडेजाने अर्धशतक झळकावले, त्यापाठोपाठ अक्षरनेही फिफ्टी केली. ऑस्ट्रेलियाच्या डावखुऱ्या फलंदाजांना रोखण्यासाठी भारताने खेळपट्टी तयार केल्याचा आरोप ऑसी मिडियाकडून झाला अन् त्यांना जडेजा-पटेल यांनी सडेतोड उत्तर दिले. दिवसाच्या अखेरच्या षटकात जडेजाला स्लीपमध्ये उभ्या असलेल्या स्टीव्ह स्मिथने जीवदान दिले. जडेजा १७० चेंडूंत ९ चौकारांसह ६६ धावांवर, तर पटेल १०२ चेंडूंत ५२ धावांवर नाबाद आहेत. भारताने ७ बाद ३२१ धावा करून १४४ धावांची आघाडी घेतली आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"