India vs Australia 2nd test live score updates : भारतीय संघाने आणखी एक कसोटी तीन दिवसांत जिंकली. आर अश्विन आणि रवींद्र जडेजा यांच्या फिरकीसमोर ऑस्ट्रेलियाने गुडघे टेकले. दीड तासांत या दोघांनी ९ विकेट्स घेत कांगारूंचा दुसरा डाव ११३ धावांवर गुंडाळला. त्यानंतर रोहित शर्मा व विराट कोहली यांनी चांगली फटकेबाजी करून भारताचा विजय पक्का केला आणि भारताने मालिकेत २-० अशी आघाडी घेतली. चार सामन्यांच्या मालिकेत २-० अशी आघाडी घेऊन भारताने बॉर्डर -गावस्कर ट्रॉफी स्वतःकडे राखली. भारताने सलग चौथ्यांदा ही ट्रॉफी स्वतःकडे राहून इतिहास घडवला. या ऐतिहासिक कामगिरीनंतर रोहितने जड्डूला मिठी मारली अन् चेतेश्वर पुजाराचा विजयी चौकार पाहून मुख्य प्रशिक्षक राहुल द्रविड यानेही जोरदार सेलिब्रेशन केलं.
टॉड मर्फीच्या गोलंदाजीवर पुढे येऊन मारण्याच्या प्रयत्नात विराट ( २०) स्टम्पिंग झाला. श्रेयस अय्यरही झटपट धावा करण्याच्या प्रयत्नात १२ धावांवर बाद झाला. केएस भरतने आक्रमक फटकेबाजी करून भारताला ६ विकेट्सने विजय मिळवून दिला. पुजारा ३१ आणि भरत २३ धावांवर नाबाद राहिले. भारताचा हा ऑस्ट्रेलियावरील १००वा आंतरराष्ट्रीय सामन्यातील विजय ठरला.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"