India vs Australia 2nd test live score updates : आर अश्विन आणि रवींद्र जडेजा यांच्या फिरकीसमोर ऑस्ट्रेलियाने तिसऱ्या दिवसाच्या पहिल्याच सत्रात गुडघे टेकले. ऑस्ट्रेलियाचा दुसरा डाव ११३ धावांवर गुंडाळला गेला. रवींद्र जडेजाने सात विकेट्स घेतल्या, तर अश्विनने तीन विकेट्स मिळवल्या. १ तास ३० मिनिटांत ऑस्ट्रेलियाचे ९ फलंदाज माघारी परतले. India vs Australia test series
ऑस्ट्रेलियाच्या पहिल्या डावाच्या २६३ धावांच्या प्रत्युत्तरात भारताने २६२ धावा केल्या. रोहितने तिसऱ्या दिवसाच पहिल षटक आर अश्विनला दिले आणि पठ्ठ्याने पहिल्याच षटकात विकेट मिळवली. ट्रॅव्हिस हेडने चौकार मारून तिसऱ्या दिवसाचे खाते उघडले, परंतु अश्विनने पुढच्याच चेंडूवर त्याला बाद केले. हेड ४६ चेंडूंत ४३ धावा करून माघारी परतला. अश्विनने स्मिथला ( ९) पायचीत केले. डेव्हिड वॉर्नरच्या जागी संघात खेळणाऱ्या मॅट रेनशॉ ( २) यालाही अश्विनने पायचीत केले. पहिल्या डावात भारतासाठी डोकेदुखी ठरलेल्या पीटर हँड्सकोम्बला ( ०) जडेजाने स्लीपमध्ये उभ्या असलेल्या विराटकडे झेल देण्यास भाग पाडले. पुढच्याच चेंडूवर जडेजाने ऑसी कर्णधार पॅट कमिन्सचा त्रिफळा उडवला. Ind vs aus scorecard
अॅलेक्स केरी व नॅथन लियॉन यांनी थोडा वेळ खेळपट्टीवर घालवला, परंतु चुकीचा फटका मारण्याच्या प्रयत्नात केरी त्रिफळाचीत झाला. रवींद्र जडेजाने डावात पाच विकेट्स घेण्याचा पराक्रम केला. नॅथन लियॉनचाही जडेजाने त्रिफळा उडवला. ऑस्ट्रेलियाचा दुसरा डाव ११३ धावांवर गडगडला. भारताला विजयासाठी ११५ धावा करायच्या आहेत. जडेजाने ४२ धावांत ७ विकेट्स घेतल्या. अश्विनने ५९ धावांत ३ विकेट्स मिळवले. ११५ धावांच्या लक्ष्याचा पाठलाग करताना भारताला ६ धावांवर पहिला धक्का बसला. Ind vs aus live match
लोकेश राहुल पुन्हा अपयशी ठरला. नॅथन लियॉनने टाकलेला चेंडू लोकेशने शॉर्ट लेगच्या दिशेने मारला. सिली पॉईंटला उभ्या असलेल्या पीटर हँड्सकोम्बच्या पायावर आदळून चेंडू यष्टिरक्षक केरीकडे गेला अन् त्याने झेल टिपला. लोकेश पुन्हा अपयशी ठरल्याने रोहित शर्माही नाराज झाला. लोकेशने मागील १० कसोटीत 8, 12, 10, 22, 23, 10, 2, 20, 17 आणि 1 अशा धावा केल्या.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"