India vs Australia 4th test live score updates : अहमदाबाद कसोटीत ऑस्ट्रेलियाने सुरुवातीच्या तासाभरात चांगला खेळ केला. पण, ड्रिंक्सब्रेकनंतर आर अश्विनने भारताला पहिले यश मिळवून दिले. रोहित शर्माची इथे चतुर नेतृत्व पाहायला मिळाले. त्यांनी दोन्ही वेळेस गोलंदाजीत बदल केले आणि भारताला विकेट मिळाल्या. India vs Australia test series
भारताने या मालिकेत २-१ अशी आघाडी घेतली आहे, परंतु अहमदाबाद कसोटी भारतासाठी जिंकणे महत्त्वाचे आहे. जागतिक कसोटी अजिंक्यपद स्पर्धेच्या फायनलमध्ये प्रवेश निश्चित करण्यासाठी भारताला हा सामना जिंकावा लागणार आहे. ऑस्ट्रेलियाने नाणेफेक जिंकून प्रथम फलंदाजीचा निर्णय घेतला. भारतीय संघात मोहम्मद सिराजच्या जागी मोहम्मद शमीची एन्ट्री झाली. सहाव्या षटकात उमेश यादवच्या गोलंदाजीवर ट्रॅव्हिस हेडचा ( ७ धावांवर होता ) सोपा झेल यष्टिरक्षक केएस भरतने टाकला. हेड व उस्मान ख्वाजा जलदगती गोलंदाजांचा सहज सामना करत होते आणि रोहितने फिरकीपटू आर अश्विनला गोलंदाजीला आणले. पण, त्याचाही या दोघांनी खुबीने सामना केला. ( भारत- ऑस्ट्रेलिया चौथ्या कसोटीचे पूर्ण धावफलक)
ड्रिंक्स ब्रेकनंतर रोहितने रवींद्र जडेजाला आणले, परंतु पहिल्या षटकात त्याला ख्वाजाने चौकार खेचला. अश्विनने अखेर भारताला पहिले यश मिळवून दिले. हेडने मारलेला चेंडू जडेजाने अचूक टिपला. हेड ४४ चेंडूंत ७ चौकारांसह ३२ धावांवर बाद झाला. ६१ धावांवर ऑस्ट्रेलियाची पहिली विकेट पडली.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"