India vs Australia 1st ODI Live Marathi : लोकेश राहुलच्या नेतृत्वाखाली भारतीय संघ वर्ल्ड कप स्पर्धेच्या अंतिम तयारीसाठी मैदानावर उतरला आहे. मोहम्मद शमीने पहिल्याच षटकात धक्का देताना ऑस्ट्रेलियाला संकटात टाकले होते. पण, गचाळ क्षेत्ररणक्षण आणि झेल सोडल्यामुळे ऑस्ट्रेलियाला पुनरागमनाची संधी मिळाली. डेव्हिड वॉर्नरने मिळालेल्या जीवदानाचा फायदा उचलताना अर्धशतक झळकावले. स्टीव्ह स्मिथ व मार्नस लाबुशेन चांगले खेळले, परंतु लाबुशेनच्या विकेटने कांगारू गोंधळले.
मोहम्मद शमी विकेट घेतली अन् ४ षटकं फेकून दमला, बाहेर गेला; श्रेयस अय्यरने सोपा झेल सोडला, Video
लोकेशने नाणेफेक जिंकून प्रथम गोलंदाजीचा निर्णय घेतला अन् मोहम्मद शमीने पहिल्याच षटकात मिचेल स्टार्कला ( ४) माघारी पाठवले. पण, त्यानंतर स्टीव्ह स्मिथ व डेव्हिड वॉर्नर यांनी चांगला खेळ सेट केला. ही जोडी तोडण्यासाठी शार्दूल ठाकूरला गोलंदाजीला आणले, परंतु त्याच्या पहिल्याच षटकात वॉर्नरचा सोपा झेल मिड ऑनला श्रेयस अय्यरने टाकला. वॉर्नरने त्यानंतर शार्दूलसह आर अश्विनलाही चोपून काढले. १०६ चेंडूंत ९४ धावांची भागीदारी रवींद्र जडेजाने तोडली. वॉर्नर ५३ चेंडूंत ६ चौकार व २ षटकारांसह ५२ धावांवर झेलबाद झाला.