India vs Australia 1st ODI Live Marathi : लोकेश राहुलच्या नेतृत्वाखाली भारतीय संघ वर्ल्ड कप स्पर्धेच्या अंतिम तयारीसाठी मैदानावर उतरला आहे. रोहित, विराट, हार्दिक यांना विश्रांती दिल्यामुळे युवा खेळाडूंना स्वतःची छाप सोडण्याची संधी आहे. आर अश्विनचे वन डे संघात पुनरागमन झाले आणि ऋतुराज गायकवाडला आशियाई क्रीडा स्पर्धेसाठी तयारी करता येणार आहे. श्रेयस अय्यर आणि सूर्यकुमार यादव यांच्यासाठी वर्ल्ड कपपूर्वी ही शेवटची संधी आहे. लोकेशने नाणेफेक जिंकून प्रथम गोलंदाजीचा निर्णय घेतला अन् मोहम्मद शमीने पहिल्याच षटकात मिचेल स्टार्कला माघारी पाठवून ऑसींना ४ धावांवर धक्का दिला. जसप्रीत बुमराहने त्याचे दोन षटकं निर्धाव फेकून चांगली सुरुवात केली. ( IND vs AUS Live ScoreCard Marathi )
स्टीव्ह स्मिथ व डेव्हिड वॉर्नर यांनी संयमाने धावफलक हलता ठेवला होता. शार्दूल ठाकूरच्या पहिल्याच षटकात डेव्हिड वॉर्नरचा सोपा झेल मिड ऑनला श्रेयस अय्यरने टाकला. हे पाहून राहुल द्रविडचा चेहरा पडला. वॉर्नरने त्यानंतर षटकाराने आर अश्विनचे स्वागत केले. ४ षटकं फेकल्यानंतर मोहम्मद शमीने मैदान सोडले. मोहालीतील उष्ण वातावरणाचा त्याला त्रास झाला अन् त्याने मैदान सोडण्याचा निर्णय घेतला. ऑस्ट्रेलियाच्या १२ षटकांत १ बाद ५१ धावा झाल्या आहेत.
भारतीय संघ - लोकेश राहुल (कर्णधार), ऋतुराज गायकवाड, शुबमन गिल, सूर्यकुमार यादव, श्रेयस अय्यर, इशान किशन, रवींद्र जडेजा, आर अश्विन, शार्दुल ठाकूर, जसप्रीत बुमराह, मोहम्मद शमी.
Web Title: India vs Australia 1st ODI Live Marathi Updates : Mohammed Shami scalps the early success, but he Walked Off The Field After 7 Overs, Shreyas Iyer droped catch, Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
