India vs Australia, 2nd Test : अजिंक्य रहाणे ( Ajinkya Rahane) आणि रवींद्र जडेजा ( Ravindra Jadeja) यांच्या १२१ धावांच्या भागीदारीच्या जोरावर टीम इंडियानं पहिल्या डावात आघाडी घेतली. तिसऱ्या दिवसाच्या पहिल्या सत्रात भारतानं ३२ धावांत ५ विकेट्स गमावल्या. टीम इंडियाचा पहिला डाव ३२६ धावांवर आटोपला आणि त्यांनी १३१ धावांची आघाडी घेतली. या सामन्यातील पहिल्या व दुसऱ्या सत्रात DRSचा मुद्दा पुन्हा चर्चेला आला आहे. ‘Umpires Call’मुळे मॅथ्यू वेड व मार्नस लाबुशेन यांना जीवदान मिळालं. त्यावर महान फलंदाज सचिन तेंडुलकर ( Sachin Tendulkar) नाराजी व्यक्त केली.
७ बाद २७७ धावांवरून टीम इंडियानं तिसऱ्या दिवसाचा खेळ सुरू केला. १०० व्या षटकाच्या पाचव्या चेंडूवर अजिंक्यला माघारी जावं लागलं. अजिंक्य २२३ चेंडूंत १२ चौकारांसह ११२ धावांवर माघारी परतला. अजिंक्यनंतर मिचेल स्टार्कनं जडेजाला बाद केले. जडेजानं ५७ धावा केल्या. यानंतर टीम इंडियाचे शेपूट गुंडाळण्यात ऑस्ट्रेलियाला फार कष्ट घ्यावे लागले नाही. ऑस्ट्रेलियाच्या मिचेल स्टार्क व नॅथन लियॉन यांनी प्रत्येकी तीन विकेट्स घेतल्या.
दुसऱ्या डावात ऑस्ट्रेलियाची सुरुवात निराशाजनक झाली. जसप्रीत बुमराहच्या गोलंदाजीवर जो बर्न्स वाचला, परंतु उमेश यादवनं अप्रतिम चेंडू टाकून त्याला तंबूत पाठवले. चौथ्या षटकाच्या पहिल्याच चेंडूवर बर्न्स ( ४) यष्टिरक्षक रिषभ पंतच्या हाती झेल देऊन माघारी परतला. बर्न्सनं या निर्णयाविरोधात DRS घेतला, पण त्याचा काहीच उपयोग झाला नाही. ८व्या षटकात उमेश यादवच्या पोटरीला दुखापत झाली अन् त्याला मैदान सोडावे लागले. पण, या सामन्यात मॅथ्यू वेड व लाबुशेन यांच्यासाठी टीम इंडियानं DRS घेतला. DRS मध्ये चेंडू यष्टिंवर आदळत असल्याचे दिसत होते, परंतु मैदानावरील पंचांनी त्यांना नाबाद दिल्यानं ‘Umpires Call’ कायम ठेवण्यात आला. त्यामुळे टीम इंडियाच्या खेळाडूंसह अनेकांनी नाराजी व्यक्त केली.
महान फलंदाज सचिन तेंडुलकर म्हणाला, ''मैदानावरील पंचांच्या निर्णयावर नाखुश असल्यामुळे खेळाडू DRS घेतात. पण, DRS सिस्टममध्ये ICCनं लक्ष देण्याची गरज आहे. विशेषतः ‘Umpires Call’.'' दरम्यान, भारतानं ऑस्ट्रेलियाचे ३ फलंदाज ७१ धावांवर माघारी पाठले.
Web Title: India vs Australia, 2nd Test : The DRS system needs to be thoroughly looked into by the ICC, especially for the ‘Umpires Call’, Sachin Tendulkar
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
